Texnologiya

“Apple” qulaqlıqları eşitmə cihazına çevriləcək - FOTO

18 Mart 2023 08:12

Baxış: 1 362

VTB-də minimal faiz dərəcəsi ilə nağd kredit 9.9%-dən

#TEXNOLOGİYA

Eşitmə qabiliyyətini itirmiş insanlar "Apple" qulaqlıqlarından eşitmə cihazı kimi istifadə edə biləcəklər.

Bu barədə "Bloomberg" nəşri məlumat verib.

Milli.Az oxu.az-a istinadən xəbər verir ki, nəşrin köşə yazarı Mark Qurmanın sözlərinə görə, Amerika şirkəti özünün "AirPods" seriyalı qulaqlıqlarının imkanlarını genişləndirmək niyyətindədir.

Qulaqlıqların eşitmə qabiliyyətini itirmiş insanlar üçün olan cihazların tələblərinə uyğun olaraq yenilənməsi planlaşdırılır. "Apple" mühəndislərinin "AirPodlar"ı faktiki olaraq eşitmə cihazına çevirəcəkləri qeyd edilir.

Mark Qurman vurğulayıb ki, şirkət növbəti bir və ya iki il ərzində qulaqlıqlarına yeni funksiyalar əlavə edəcək. Materialda bildirilir ki, "AirPod"larda eşitmə cihazı kimi istifadə edilməsinə qismən imkan verən seçimlər var.

Bununla belə müəllif qeyd edib ki, şirkətin cihazları ABŞ Qida Məhsulları və Dərman Preparatlarına nəzarət üzrə Sanitariya Müfəttişliyi (FDA) tərəfindən tibbi cihaz kimi sertifikatlaşdırılmayıb.

Milli.Az