PUL
Yeni növ koronavirus (COVID-19) infeksiyası uşaqlarda qastroenteritə səbəb olur. COVID-19-un klinik əlamətləri arasında ishal və qusmaya rast gəlindikdə simptomatik müalicəyə üstünlük verilir. Lakin yeni növ koronavirus mədə-bağırsaq sisteminə təsir göstərsə də, hər belə narahatlığı COVID-19 adlandırmaq olmaz.
Milli.Az AZƏRTAC-a istinadən bildirir ki, bunu Elmi-Tədqiqat Pediatriya İnstitutun pediatrı Azər Əhmədov "Uşaqlarda qastroenteritlər" mövzusundakı çıxışı zamanı deyib.
Həkim-pediatr bildirib ki, Milli Peyvənd Təqviminə əsasən vurulan vaksinlərin vaxtı yubadıldıqda uşaqlarda qastroenteritə (mədə və nazik bağırsağın selikli qişasının iltihabı) daha çox rast gəlinir: "Altı ayı tamam olmamış uşaqlarda maye itkisi həyati vacib orqanların funksiyasını pozduğu üçün bu dövrdə peyvəndlərin vurulması vacibdir. Ümumiyyətlə qastroenteritin yaranmasına infeksion xəstəliklər səbəb olur. Yeni növ koronavirus (COVID-19) da virus infeksiyası olduğu üçün qastroenteritlərə ən çox səbəb olan viruslardandır".
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
