Sağlamlıq

Məşhur həkimdən AÇIQLAMA: "Dünya daha təhlükəli epidemiyanın əsiridir"

18 Yanvar 2021 23:00
Baxış: 1 686

"Dünya özü də bilmədən başqa bir epidemiyanın əlində əsirdir. Bu, koronavirusdan daha təhlükəli olan piylənmədir".

Milli.Az xəbər verir ki, bunu tanınmış rus həkim və teleaparıcı Aleksandr Myasnikov "Rossiya-1" telekanalının efrində deyib.

"İl ərzində COVID-19-un ömrünə son qoyduğu 1,5 milyon insanla yanaşı, 10 milyon adam da aclıqdan ölüb. Daha maraqlısı budur ki, piylənmənin yaratdığı problemlərdən ölənlərin sayı 20 milyondan çoxdur", - mütəxəssis bildirib.

Həkimin sözlərinə görə, dünya əhalisinin 40%-dən çoxu artıq çəkidən əziyyət çəkir.

Myasnikov vurğulayıb ki, piylənmə sonradan diabet, infarkt, insult və onkoloji xəstəliklərə səbəb olur. Koronavirusla müqayisədə, həkimin fikrincə, piylənmənin ölüm göstəricisi daha yüksəkdir.

Köklüyə meyllilik valideynlərdən də qaynaqlana bilər. Myasnikov deyir ki, əgər ailədə valideynlərdən birində bu cür problem varsa, o zaman uşaq ömrü boyu kökəlməyə meylli olacaq. Daha bir amil anada diabetin olmasıdır. (publika.az)

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.