Sağlamlıq

Soyuqdəymə zamanı duş qəbul etmək olarmı? - Terapevt

17 Yanvar 2021 23:10
Baxış: 3 304
VTB-də minimal faiz dərəcəsi ilə nağd kredit 9.9%-dən
#MARAQLI #SAĞLAMLIQ

Belə bir məşhur mif var ki, soyuqdəymə zamanı duş almaq və saçı yumaq düzgün deyil, çünki bu, xəstəliyin gedişatını ağırlaşdıra bilər.

Milli.Az bildirir ki, bu sözləri Mariinsk Xəstəxanasının terapiya şöbəsinin müdiri, 1-ci kateqoriyalı kardioloq Natalya Qonçar deyib.

"Bu absurddur, heç bir tibbi təsdiqi olmayan uydurulmuş faktdır. Hər hansı bir xəstəlik zamanı gigiyenaya riayət etmək lazımdır, xüsusən də insanlar yüksək temperaturda tər tökürlər. Saçlarınızı da yuya bilərsiniz. Xatırlamağınız lazım olan yalnız bir şey budur ki, duşdan sonra özünüzü dəsmal ilə yaxşı qurutmalı və yelçəkərdə oturmaqdan çəkinməlisiniz", - həkim deyib.

Onun sözlərinə görə, otaqda temperatur həddən artıq düşərsə, yoluxucu xəstəliyin şiddəti ağırlaşa bilər.

"Bitki-damar distoniyası və ya arterial hipertenziyası olan insanlar duşda bir az diqqətli olmalıdır - temperatur yüksək olarkən yuyunmamalısınız, çünki bunun vasospazm riski var. Hər kəsin reaksiyası fərdi ola bilər - hətta vəziyyət hipertansif böhrana qədər ağırlaşa bilər", - Natalya Qonçar xəbərdarlıq edib. /medicina.az

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.