Sağlamlıq

Tez-tez turşu yeyənlər MÜTLƏQ OXUSUN: Yeməkdən əvvəl...

2 Avqust 2020 17:35

Baxış: 1 365

#MARAQLI #SAĞLAMLIQ

Demək olar ki, turşunu əksər insan xoşlayır və müntəzəm istifadə edir. Ancaq bəziləri aşırı dərəcədə turşu qəbul edir ki, bu da orqanizm üçün həddindən artıq ziyanlıdır.

Milli.Az turşların ziyanları barədə məlumatı təqdim edir:

1. Turşulara çoxlu miqdarda duz əlavə olunur. Duzun tərkibinə natrium daxildir. Az miqdarda bu maddə orqanizmin normal fəaliyyəti üçün çox vacibdir. Lakin çoxlu miqdarda qəbul olunduqda natrium orqanizmdə mayeni saxlayır və bu da orqanizmdə dövr edən qanın miqdarını artırır. Nəticədə ürək-damar sistemi çox gərgin rejimdə işləyir, ödemlər əmələ gəlir, arterial təzyiq qalxır.

2. Turşulara çoxlu miqdarda duz, müxtəlif ədviyyatlar və sirkə daxildir. Bu 3 inqrediyentin qidalanmada çox olması mədə-bağırsaq sisteminə olduqca mənfi təsir edir - selikli qişaları zədələyir, iltihab yaradır, xoraların əmələ gəlməsinə səbəb olur. Nəzərə almaq lazımdır ki, xora vaxt keçdikcə xərçəngə çevrilə bilər.

3. Turşular iştahanı artırır və insan daha çox qida qəbul edir. Bu isə artıq çəkinin yığılmasına səbəb olur.

4. Duzun artıqlığı qaraciyər üçün çox təhlükəlidir. Bu qaraciyərdə fibroz proseslərinin (çapıqların əmələ gəlməsi) inkişafına səbəb olur. Qaraciyərin fibrozu vaxt keçdikcə sirroza gətirib çıxardır. (publika.az)

Milli.Az