Sağlamlıq

Azərbaycan Ebola virusuna qarşı yeni mübarizə üsuluna keçir

5 Noyabr 2014 17:47
0 Şərh     Baxış: 1 160
VTB-də minimal faiz dərəcəsi ilə nağd kredit 9.9%-dən
#AZERBAİJAN #SAĞLAMLIQ #EBOLA VİRUSU
"Azərbaycan Ebola virusu ilə mübarizə çərçivəsində müəyyən qaydalara uyğun nəzarət həyata keçirməklə poçt göndərişləri sahəsində təhlükəsizliyi tam şəkildə təmin edir".

Trend xəbər verir ki, bu barədə jurnalistlərə Azərbaycan rabitə və yüksək texnologiyalar nazirinin müavini İltimas Məmmədov bildirib.

Onun sözlərinə görə, Azərbaycan Ebola virusu ilə mübarizə üçün İKT-nin üstünlüklərindən istifadə imkanlarını nəzərdən keçirməyə hazırdır: "İnformasiya texnologiyalarının üstünlüklərindən faydalanmağın mümkün olacağı digər istiqamətlər ortaya çıxarsa, Rabitə və Yüksək Texnologiyalar Nazirliyi, ilk növbədə, zəruri tədbirlərin görülməsi üçün bütün imkanları araşdıracaq".

Ebola virusu ilə mübarizədə İKT-nin effektivliyi məsələsinə bu günlərdə Cənubi Koreyanın Pusan şəhərində keçirilən konfrans çərçivəsində də toxunulub. Azərbaycanı konfransda rabitə və yüksək tenologiyalar naziri Əli Abbasov təmsil edib.

Konfransda Beynəlxalq Telekommunikasiyalar İttifaqı (ITU), Operatorlar Assosiasiyası GSMА və İnternet Cəmiyyəti (ISOC) Ebola virusuna qarşı səylərini birləşdirdiklərini elan ediblər.

ITU rəhbərliyi səlahiyyətli konfransın gedişində Ebola virusu ilə mübarizədə İKT-dən daha effektiv istifadə barədə tövsiyələrini hazırlamaq üçün xüsusi iclas çağırıb. Məsələ bilavasitə tənzimləmə sahəsində maneələrin aradan qaldırılmasını təmin etmək və insanların həyatının xilas edilməsi məqsədi ilə rabitə sahəsində proqramlardan istifadəyə kömək etməkdən ibarətdir.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.