Sağlamlıq

İnanılmazdır: nifrət elədiyiniz, əslində, dostunuz imiş!

29 Oktyabr 2014 00:30

8 Şərh Baxış: 5 210

#MARAQLI #SAĞLAMLIQ

Sarımsağın nəinki qoxusu, hətta adı da bəzi insanları qıcıqlandırır. Ancaq onlarda qıcıq yaradan bu möcüzəvi qidanın hansı bəlalardan xilas edə biləcəyi barədə məlumat nifrətə son qoyacaq

Sarımsaq tək soyuqdəymə və qrip üçün faydalı deyil. Bu tərəvəz həm də insanı ağ ciyər xərçənginə yoluxmaqdan xilas edir. Bu qidanın tərkibində olan maddələr ağ ciyərlərdə bədxassəli şişlərin formalaşmasının qarşısını almaqla yanaşı artıq formalaşmış şişləri də məhv edə bilir.

Milli.Az Rusiya mətbuatına istinadən bildirir ki, çinli alimlər sarımsağın bu inanılmaz faydasını sübuta yetirmək üçün 7 il tədqiqat aparıblar. Həmin tədqiqatlarda 6000 nəfər iştirak edib. Onların bəziləri tamamilə sağlam olduqları halda, digər qismində ağ ciyər xərçəngi diaqnozu olub. Tədqiqatda iştirak edənlərin əksəriyyəti siqaret çəkən olublar.

Məlum olub ki, mütəmadi olaraq sarımsaq yeyən insanların ağ ciyər xərçənginə yoluxmaq "şansları" 44% daha azdır. Sarımsaq siqaret çəkən adamlarda ağ ciyər xərçəngi yaranması riskini 30% azaldır.

Bəs sarımsaq xərçəngin qarşısını necə alır? Məsələ burasındadır ki, sarımsağın tərkibində olan maddələr kanserogenlərin təsirini məhdudlaşdırır. Bu maddələr zədələnmiş genləri bərpa da edə bilir. Bundan əlavə, sarımsaq bədxassəli hüceyrələrin inkişafının və çoxalmasının da qarşısını alır. Həmin güclü maddələr sarımsağa sərt qoxu verən kükürd birləşmələridir.

Çinli alimlər hər kəsə həftədə ən azı 2-3 dəfə sarımsaq yeməyi tövsiyə edirlər. Beləliklə, insanlar çox çətin müalicə olunan ağ ciyər xərçənginə tutulmaq riskindən xilas olarlar.

Milli.Az