Sağlamlıq

Uşaq istəyən aspirin içsin?

6 Aprel 2014 23:42
0 Şərh     Baxış: 16 601
VTB-də minimal faiz dərəcəsi ilə nağd kredit 10.49%-dən
#MARAQLI #SAĞLAMLIQ
Amerikanın Milli Sağlamlıq institutlarının əməkdaşları sübut ediblər ki, aspirinin xırda dozaları hamilə qalaraq normal uşaq dünyaya gətirmək şansını artırır. Ancaq aspirin uşaq düşməsi riskini də azaltmır.

Milli.Az Rusiya mətbuatına istinadən bildirir ki, çox zaman həkimlər uşağı düşən, ölü uşaq doğan və yaxud yenidən hamilə olmaq istəyən qadınlara aspirin içməyi məsləhət görürlər. Ancaq bunun effektivliyini təsdiq edən təcrübə keçirilməmişdi. Alimlər 1000-dən çox qadın üzərində aspirin və plasebo (pasiyentin inamına əsaslanan zərərsiz dərman) tətbiqi ilə müşahidə aparıblar. Qadınlar 6 ay nəzarətdə olublar. Həmin müddətdə qadınlar hamilə qalmağa çalışıblar.
 
Nəticə belə olub: hər iki qrupda uşaq düşməsi göstəricisi fərqlənməyib. Ancaq qadın yaxınlarda uşağını itiribsə və hər gün bir aspirin həbi qəbul edibsə, o zaman onun yenidən hamilə qalaraq sağlam uşaq doğmaq şansı böyük olub. Qrupda belə qadınların 78%-i yenidən hamilə qalıb.

Plasebo qrupunda isə belələrinin sayı 66% olub.

Aspirin qəbul edən qrupda qadınların 62%-i, ikinci qrupdan isə 53%-i sağlam uşaq doğub.

Aspirinin effektivliyi onun uşaqlığa qanın axmasını gücləndirməsi ilə əlaqədardır.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.