Sağlamlıq

Diabet necə yaranır? - Həkimlər əsas səbəbləri açıqladı

2 İyun 2026 03:03

Baxış: 2 221

VTB-də minimal faiz dərəcəsi ilə nağd kredit 9.9%-dən

Vərdişlər diabeti birdən-birə formalaşdırmır, əksinə, qlükoza mübadiləsində pozuntular zamanla yığılaraq xüsusilə 2-ci tip diabetin yaranmasına gətirib çıxarır.

Milli.Az xəbər verir ki, bu barədə Rusiya Dövlət Maarif Universitetinin Fundamental Tibbi Fənlər Kafedrasının baş müəllimi Aleksandr Kalyujin bildirib.

Mütəxəssisin sözlərinə görə, xəstəliyin əsas mexanizmi insulinə qarşı müqavimətin (insulinrezistentlik) inkişaf etməsidir. Onun qeyd etdiyinə görə, yüksək kalorili qidaların tez-tez qəbulu, şəkərli içkilər, qənnadı məhsulları, emal olunmuş karbohidratlar və böyük porsiyalar mədəaltı vəz üzərində uzunmüddətli əlavə yük yaradır.

Zamanla orqanizmin toxumaları insulinə daha az həssas olur və qanda qlükoza səviyyəsi yüksəlməyə başlayır. Kalyujin fiziki aktivliyin də mühüm rol oynadığını vurğulayaraq bildirib ki, əzələlər qlükozanın əsas istifadəçilərindən biri olduğu üçün hərəkətlilik insulin həssaslığını artırır, hərəkətsiz həyat tərzi isə bu prosesi zəiflədir.

Bundan əlavə, xroniki yuxusuzluq, stress, siqaret və alkoqol istifadəsi, eləcə də artıq çəki və xüsusilə bel ətrafında piylənməyə laqeyd yanaşma da risk faktorları kimi qeyd olunur.

Mütəxəssis yekunda bildirib ki, diabet adətən tək bir səbəbdən deyil, balanssız qidalanma, az hərəkətlilik və uzunmüddətli metabolik yüklənmənin birgə təsiri nəticəsində inkişaf edir.

Asya
Milli.Az