Sağlamlıq

Yuxusuzluq iki sağalmaz xəstəliyin erkən əlaməti ola bilər

21 Aprel 2026 04:04
Baxış: 1 158
VTB-də minimal faiz dərəcəsi ilə nağd kredit 9.9%-dən
#SAĞLAMLIQ

Qəfil başlayan yuxu problemləri bəzi ciddi xəstəliklərin ilkin əlaməti kimi ortaya çıxa bilər.

Milli.Az xəbər verir ki, xüsusilə Parkinson və Alzheymer kimi nevroloji pozuntuların erkən mərhələsində yuxusuzluq diqqət çəkən simptomlardan biri hesab olunur.

Rusiyalı nevroloq Yekaterina Demyanovskayanın sözlərinə görə, Parkinson xəstəliyinin başlanğıc mərhələsində yuxu ilə bağlı davranış pozuntuları müşahidə edilə bilər. Bu zaman insan yuxu zamanı qeyri-ixtiyari hərəkətlər edir, danışır və ya əllərini hərəkət etdirir. Qeyd olunur ki, belə hallar titrəmə və əzələ sərtliyi kimi əsas simptomlardan xeyli əvvəl üzə çıxa bilər.

Həkim bildirir ki, oxşar hallar Alzheymer xəstəliyində də qeydə alınır. Erkən mərhələdə bədənin bioloji saatı pozulur, yuxu və oyanıqlıq rejimi tənzimlənməkdə çətinlik yaradır. Nəticədə insanlar gec yuxuya gedir, gecə ərzində tez-tez oyanır və gündüz saatlarında güclü yuxululuq hiss edir.

Mütəxəssislər vurğulayır ki, uzun müddət davam edən yuxu problemləri diqqətdən kənarda qalmamalı və vaxtında həkimə müraciət edilməlidir. Erkən diaqnoz xəstəliklərin gedişatını yavaşlatmaq baxımından mühüm rol oynaya bilər.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.