Sağlamlıq

Sabunlarda təhlükəli bakteriya aşkar edildi: "Evində olan dərhal atsın"

21 Aprel 2026 00:25
Baxış: 2 689
VTB-də minimal faiz dərəcəsi ilə nağd kredit 9.9%-dən
#SAĞLAMLIQ

Mikrobları məhv etmək üçün istifadə etdiyimiz antibakterial məhsullar əslində bakteriyaların mutasiyaya uğramasına və dərmanlara qarşı müqavimət qazanmasına səbəb olur.

Milli.Az xəbər verir ki, antibakterial məhsulların tərkibindəki kimyəvi maddələr zəif bakteriyaları öldürsə də, güclü olanların sağ qalmasını təmin edir.

Sağ qalan bu bakteriyalar mutasiyaya uğrayaraq "super bakteriya"ya çevrilir.

Nəticədə, heç bir antibiotikin təsir etmədiyi müqavimətli mikroorqanizmlər yaranır ki, bu da gələcəkdə sadə infeksiyaların belə müalicə olunmamasına yol aça bilər.

İnsan immuniteti güclənmək üçün ətrafdakı mikroblarla mübarizə aparmalıdır.

Hər yeri hədsiz sterilizə etdikdə, immunitet sistemi "tənbəlləşir". Bu da xüsusilə uşaqlarda allergiya, astma və ekzema kimi xəstəliklərin artmasına səbəb olur.

Antibakterial sabunların etiketində tez-tez rast gəlinən Triklosan maddəsi ciddi təhlükə mənbəyidir:

Triklosan bədəndə hormonal balansı, xüsusilə qalxanvari vəzi (zob) hormonlarını pozur.

Su qaynaqlarına qarışdıqda balıqlara və təbiətə böyük ziyan vurur. Bir çox ölkədə bu maddənin sabunlarda istifadəsi artıq qadağan edilib.

Ümumdünya Səhiyyə Təşkilatı (ÜST) və mütəxəssislər bir məsələdə həmfikirdir:

Əlləri 20 saniyə ərzində adi sabun və su ilə yumaq xəstəlik yaradan mikrobları uzaqlaşdırmaq üçün tamamilə kifayətdir.

Antibakterial məhsulları və dezinfeksiyaediciləri yalnız su və sabuna əlçatanlıq olmayan yüksək riskli mühitlərdə (məsələn, xəstəxanalarda) istifadə etmək ən doğru yoldur.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.