Sağlamlıq

Gecə oyaq qalmaq ürək xəstəliklərini artırır

21 Aprel 2026 02:02
Baxış: 761
VTB-də minimal faiz dərəcəsi ilə nağd kredit 9.9%-dən
#SAĞLAMLIQ #XƏSTƏLİK

Yeni elmi araşdırma gec saatlara qədər oyaq qalma vərdişinin sağlamlığa mənfi təsir göstərə biləcəyini ortaya qoyub.

Milli.Az xəbər verir ki, mütəxəssislər bildirir ki, "gecə bayquşu" kimi tanınan insanlar ürək-damar xəstəlikləri baxımından daha yüksək risk altında ola bilərlər.

Araşdırma nəticələri göstərir ki, axşam saatlarında daha aktiv olan şəxslərin ürək sağlamlığı səhər tezdən oyanan və ya orta yuxu rejiminə malik insanlarla müqayisədə daha zəif ola bilər. Xüsusilə bu risk qadınlarda daha aydın müşahidə olunur.

Tədqiqat çərçivəsində 322 mindən çox yetkinin məlumatları təhlil edilib. İştirakçılar yuxu-oyanma vərdişlərinə görə səhər, axşam və orta qruplara bölünüblər. Nəticələrə əsasən, gecə oyaq qalan şəxslərdə sağlam olmayan qidalanma, fiziki aktivliyin azlığı və siqaret kimi risk faktorlarına daha çox rast gəlinir.

Mütəxəssislər qeyd edirlər ki, gecə rejimi bədənin daxili saatı ilə gündəlik həyat tərzi arasında uyğunsuzluq yaradır. Bu da zamanla ürək-damar sisteminə mənfi təsir göstərə bilər.

Araşdırmaya görə, gecə oyaq qalan insanlarda ürək xəstəlikləri, o cümlədən infarkt və insult riski orta göstəricilərlə müqayisədə daha yüksəkdir. Uzunmüddətli müşahidələr də bu şəxslərdə ürək-damar problemlərinin inkişaf ehtimalının artdığını göstərir.

Həkimlər sağlamlığı qorumaq üçün düzgün yuxu rejimi qurmağı, balanslı qidalanmağı, fiziki aktivliyi artırmağı və zərərli vərdişlərdən uzaq durmağı tövsiyə edirlər.

Milli.Az

.

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.