Sağlamlıq

Qışda heyvanlara paltar geyindirmək lazımdır? - Açıqlama

7 Yanvar 2026 01:01

Baxış: 1 303

VTB-də minimal faiz dərəcəsi ilə nağd kredit 9.9%-dən

#CƏMİYYƏT #SAĞLAMLIQ #HEYVANLAR

Baytar həkim qış aylarında hansı ev heyvanlarının gəzinti zamanı mütləq geyimə ehtiyacı olduğunu izah edib.

Milli.Az xəbər verir ki, Rusiya Baytarlıq Universitetinin professoru Andrey Rudenko soyuq havada geyimin xüsusilə qısa və seyrək tüklü, eləcə də alt tük qatı olmayan heyvanlar üçün vacib olduğunu bildirib. Onun sözlərinə görə, belə heyvanlar istiliyi daha tez itirir və küləkli, rütubətli havalarda donma riski artır.

O qeyd edib ki, xırda cins itlər də risk qrupuna daxildir. Az bədən kütləsi və yüksək istilik itirmə səbəbindən onlar hətta qısa gəzintilər zamanı belə soyuqlaya bilər. Bu isə tənəffüs yollarının, sidik-cinsiyyət sisteminin və oynaqların iltihabi xəstəliklərinə yol aça bilər.

Baytar əlavə edib ki, yaşlı heyvanlar, əməliyyatdan çıxmış və xroniki xəstəlikləri olan ev heyvanları da xüsusi diqqət tələb edir. Bu heyvanlarda istilik tənzimi zəifləyir, maddələr mübadiləsi yavaşıyır və soyuq əlavə stress faktoruna çevrilir. Onlar üçün qoruyucu geyim profilaktik tədbir kimi faydalı ola bilər.

Rudenko bildirib ki, alçaqboylu və dekorativ cinslərin qarın və sinə hissəsi yerə daha yaxın olduğundan qar, rütubət və yol reaktivləri ilə daha çox təmasda olur. Bu isə dəridə qıcıqlanma və dermatit riskini artırır. Geyim həm soyuqdan, həm də kimyəvi maddələrdən qoruyucu rol oynayır.

Ekspert vurğulayıb ki, heyvan geyimi düzgün seçilməlidir və hərəkətə mane olmamalıdır. Sıx və keyfiyyətsiz geyimlər dərinin zədələnməsinə, həddindən artıq isinməyə və qan dövranının pozulmasına səbəb ola bilər.

Baytarın sözlərinə görə, qalın tüklü və inkişaf etmiş alt tük qatına malik, soyuq iqlimə uyğunlaşmış heyvanlar üçün geyim əksər hallarda lazım deyil. Belə heyvanların orqanizmi bədən temperaturunu özü tənzimləyə bilir.

İsmayıl
Milli.Az