Sağlamlıq

Saatlarla "reels" izləmək beynimizi "məhv edir"

30 Dekabr 2025 13:00

Baxış: 1 499

VTB-də minimal faiz dərəcəsi ilə nağd kredit 9.9%-dən

#MARAQLI #SAĞLAMLIQ #SOSİAL ŞƏBƏKƏLƏR #QADIN

"Reels" izləmək hormonal balansı poza bilər.

Milli.Az xəbər verir ki, son dövrlərdə qısa video formatlı sosial media kontentlərinə, xüsusilə Reels-lərə artan marağın bədən və beyin üzərində mənfi təsirləri olduğu bildirilir. Mütəxəssislər, uzun müddət və fasiləsiz Reels izləməyin dopamin, kortizol və melatonin kimi hormonlara təsir edərək sağlamlıq problemlərinə yol aça biləcəyini qeyd edirlər.

Ekspertlərin sözlərinə görə, Reels izləmək ani xoşbəxtlik hissi yaradır, bu isə dopamin səviyyəsinin tez-tez yüksəlməsinə səbəb olur. Uzun müddətdə belə dalğalanmalar motivasiyanın azalmasına və diqqətin toplanmasının çətinləşməsinə gətirib çıxara bilər.

Eyni zamanda, davamlı ekran istifadəsi və sosial mediada yenilənən məlumatlar kortizol hormonunun artmasına səbəb olaraq stressi yüksəldir. Bu da yuxu problemləri, immunitetin zəifləməsi və gündəlik yorğunluq kimi hallara gətirir. Gecə saatlarında ekran işığına məruz qalmaq isə melatonin istehsalını azaldaraq yuxu keyfiyyətini pisləşdirir.

Həmçinin, ideal həyat tərzi və görünüş nümunələrinin tez-tez izlənməsi serotonin və dopamin balansını poza bilər, bu da özünüqiymətləndirmənin aşağı düşməsinə və narahatlıq hisslərinin artmasına səbəb olur.

Ekspertlər bildirirlər ki, Reels izləmək əyləncə məqsədilə faydalı olsa da, fasilələr vermək, gecə saatlarında ekran istifadəsini azaltmaq və diqqəti real həyatda fəaliyyətlərə yönəltmək sağlamlıq üçün vacibdir.

İsmayıl
Milli.Az

Milli.Az - Xəbər Portalı

Saatlarla "reels" izləmək beynimizi "məhv edir"

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?