Bəzi meyvələrin parıldama səbəbi bilindi - Üstünə görün nə çəkirlərmiş

"İdxal olunan meyvələrin parlaq görünməsi təsadüfi deyil. Bu parıltı onların üzərindəki mum təbəqəsi ilə bağlıdır. Bu təbəqə istehsalçılar tərəfindən məhsulu uzaq məsafələrə daşınma zamanı qorumaq üçün əlavə olunur. Mum örtüyü suyu itələdiyi üçün adi yuma zamanı nə mum tam çıxır nə də çirk asanlıqla təmizlənir"

Milli.Az xəbər verir ki, bu barədə  biotexnologiya üzrə mütəxəssis Mariya Zolotaryova məlumat verib.

Onun sözlərinə görə müasir qida sənayesində istifadə olunan mum təbəqəsi karnauba kandelilla və ya arı mumundan hazırlanır. Bunlar insan üçün təhlükəsiz maddələrdir. Lakin məsaməli quruluşları səbəbindən toz pestisid qalıqları və mikroorqanizmləri özündə saxlayır. Sadə su ilə yuma isə belə səth çirklərinin yalnız az bir qismini təmizləyir.

"Təmizləməni effektiv etmək üçün mexaniki təsir və suyun xüsusiyyətinin dəyişməsi lazımdır. Orta sərtlikdə bir fırça mumun təxminən yetmiş faizini uzaqlaşdıra bilir. Meyvə üçün nəzərdə tutulmuş xüsusi yuyucu vasitələrdən istifadə edildikdə təmizlənmə doxsan faizdən yuxarı olur. Əgər belə vasitə yoxdursa bir çay qaşığı soda beş yüz millilitr suya əlavə edilə bilər və ya yüngül sirkəli su hazırlanır. Turş mühit mum qatını zəiflədir. Soda isə yağlı qatın dağılmasına kömək edir".

Mütəxəssis sitrus meyvələrinin daha diqqətli yanaşma tələb etdiyini bildirir. Limon və portağal kimi meyvələrin qabığında çoxlu məsamə olur və mum daha dərinə yerləşir. Bu meyvələrin qabığından istifadə ediləcəksə onları isti suda soda ilə beş yeddi dəqiqə gözlətdikdən sonra fırça ilə təmizləmək lazımdır. Alma və pomidor kimi hamar səthli məhsullar üçün isə yuyucu məhlul ilə isladılmış salfetlə güclü şəkildə silmək kifayətdir.

Hər hansı yuyucu vasitə istifadə olunduqda məhsullar axar su altında 30-60 saniyə ərzində yaxşıca yuyulmalıdır. Müxtəlif təbəqələrin tam çıxarılması meyvənin saxlanma müddətini qısaltdığı üçün bu prosesi məhsulu yeməzdən əvvəl etmək məsləhətdir. Gündəlik saxlanma üçün isə meyvə və tərəvəzi quru parça ilə silmək kifayətdir. Bu üsul səthdəki əsas mikrofloranı aradan qaldırır və qoruyucu qata zərər vermir.

İsmayıl
Milli.Az