Sağlamlıq

Gün ərzində tərəvəz yeyin, axşama təsirini görəcəksiniz

9 Noyabr 2025 21:00

Baxış: 1 338

VTB-də minimal faiz dərəcəsi ilə nağd kredit 9.9%-dən

#CƏMİYYƏT #SAĞLAMLIQ #SAĞLAM QİDA

Gecə yuxuya getməkdə çətinlik çəkirsinizsə, bəlkə də səbəbi mətbəxdə tapmaq olar.

Milli.Az xəbər verir ki, "The Journal of the National Sleep Foundation" jurnalında dərc edilən araşdırmaya əsasən, hər gün meyvə, tərəvəz və tam taxıl məhsulları yeyən insanların yuxu keyfiyyəti növbəti gecə 16 faiz yaxşılaşır. Bu dəyişiklik sadəcə bir günlük qidalanmadan sonra belə hiss olunur.

Tədqiqatçılar bildirirlər ki, meyvə və tərəvəzlər bədəni vitamin, mineral və antioksidantlarla təmin edir, sinir sistemini sakitləşdirir və orqanizmin balansını qoruyur. Gündə beş porsiya meyvə-tərəvəz qəbulu yuxunun daha dərin və fasiləsiz olmasına şərait yaradır.

Həkimlərin fikrincə maqnezium və kalium kimi minerallar da rahat yuxu üçün vacibdir. Maqnezium əzələləri boşaldır, kalium isə bədəndə maye balansını tənzimləyir. İspanaq, banan, avokado, yulaf və badam bu minerallarla zəngin qidalardandır.

Mütəxəssislər həmçinin gün ərzində kifayət qədər su içməyin vacibliyini vurğulayırlar. Beləliklə, bəzən dərin və rahat yuxu üçün sadəcə bir qab salatla bir stəkan su bəs edir.

İsmayıl
Milli.Az