Sağlamlıq

Suşinin yanında bu məhsulları yemək olmaz - Xəbərdarlıq

17 Oktyabr 2025 19:00

Baxış: 332

VTB-də yüksək depozit faizleri daha çox qazandırır

#SAĞLAMLIQ #SAĞLAM QİDA

Qazlı içkilərlə suşi yemək olmaz.

Milli.Az xəbər verir ki, bunu rusiyalı həkim qastroenteroloq Yekaterina Titova deyib. O, suşi və rolların bəzi məhsullarla birlikdə yeyilməsinin təhlükəli ola biləcəyini açıqlayıb.

Qastroenteroloqun sözlərinə görə, bu yeməkləri qazlı içkilərlə, o cümlədən şampanla, ağır qidalarla və çoxlu miqdarda vasabi ( yapon xreni ) ilə birləşdirmək olmaz.

Həkim bildirib ki, suşi ilə şampan və ya digər qazlı içkilərin birlikdə qəbulundan sonra ürəkbulanma halları tez-tez baş verir. Onun sözlərinə görə, rollar tərkibinə görə həzm olunması çətin olan qidadır. Şampan, kola və hətta qazlı mineral su mədədə qaz qabarcıqları yaradır, bu qabarcıqlar mədənin divarlarını dartır və onun normal fəaliyyətini pozur. Nəticədə mədə zəifləyir və yeməyi düzgün həzm edə bilmir.

Titovanın fikrincə, qazlı içkilərdən yaranan qazlar mədədəki və mədəaltı vəzidəki fermentlərin ifrazını tənzimləyən sfinkterləri də boşalda bilər. Bu isə pankreatitin kəskinləşməsinə səbəb ola bilər. Belə halda mədə yüklənməyə tab gətirmir və bədən ürəkbulanma yolu ilə reaksiya verir.

Həkim əlavə edib ki, suşi və rolları çips, qızardılmış ət kimi ağır qidalarla da birlikdə yemək məsləhət deyil.

İsmayıl
Milli.Az