Səhər yeməyində bəh-bəhlə yeyirlər, fayda yox, zərər verirmiş

Səhər süfrələrinin rəngli bəzəyi, salatların sevimli tərkib hissəsi olan pomidor, illərdir "sağlam" qida kimi tanınır. Xüsusilə çiy halda yeyilən pomidorun immun sistemini gücləndirdiyi, dərini gözəlləşdirdiyi və antioksidant təsiri ilə bədəni təmizlədiyi tez-tez vurğulanır.

Lakin son araşdırmalar və mütəxəssislərin xəbərdarlıqları göstərir ki, çiy pomidor hər kəs üçün zərərsiz deyil.

Pomidor yüksək dərəcədə turşuluğa malikdir. Buna görə də mədə turşusunu artıraraq reflü və qastrit kimi həzm sistemi problemlərini tətikləyə bilər.

Xüsusilə boş mədəyə çiy pomidor yemək, mədə yanması və şişkinliyə səbəb ola bilər.
Mütəxəssislər mədə problemi yaşayan şəxslərə pomidoru ya bişmiş, ya da az miqdarda istehlak etməyi tövsiyə edirlər.

Bundan əlavə, pomidorun tərkibindəki sitrik turşuları, reflü xəstəliyi olan insanlarda mədə yanması və qida borusu qıcıqlanması yarada bilər. 2016-cı ildə aparılan elmi araşdırmalarda pomidorun bu tip simptomları artırdığı təsdiqlənib.

Pomidor, kartof və badımcanla birlikdə "gecə kölgəsi" (nightshade) bitki ailəsinə aiddir və bu bitkilər solanin adlı təbii zəhərli maddə ehtiva edir.

Tam yetişməmiş (yaşıl) pomidorlarda solaninin miqdarı daha yüksək olur. Bu maddə çiy halda bədənə düşdükdə:

baş ağrısı,

ürəkbulanma,

halsızlıq,

əzələ ağrıları yarada bilər.

Xüsusilə yaşıl çalara malik çiy pomidorlar yeyilərkən diqqətli olmaq vacibdir.

Alergiya riski də mövcuddur

Pomidor bəzi insanlarda alergik reaksiyalara səbəb ola bilər. Çiy istehlak zamanı bu reaksiyalar daha güclü görünür. Əlamətlərə aşağıdakılar daxildir:

dəri qaşıntısı və səpkilər,

dodaqlarda şişkinlik,

nəfəs darlığı.

Alergiyaya meyilli şəxslərin pomidor istehlakını nəzarət altında saxlaması və ya tamamilə dayandırması tövsiyə olunur.

Pomidorun ən çox tanınan faydası - likopen adlı antioksidant maddədir. Amma elmi faktlara görə, çiy pomidordakı likopen orqanizm tərəfindən tam mənimsənilmir.

Bəzi araşdırmalar göstərir ki, likopenin həddindən artıq qəbulu bəzi insanlarda immun sistemini zəiflədə bilər. Bu da xüsusilə immun sistemi həssas olan şəxslərdə mənfi nəticələr doğura bilər.

Boş mədəyə çiy pomidor yemək, mədənin turşuluğunu artıraraq onu çətin vəziyyətə sala bilər.

Bundan əlavə, pomidorun pendirlə birlikdə yeyilməsi bəzi insanlarda həzm pozğunluqlarına səbəb ola bilər.

Mütəxəssislər pomidorun səhər yox, daha çox günün sonrakı saatlarında, xüsusilə bişmiş formada yeyilməsini tövsiyə edirlər.

Lalə Qüdrətova
Milli.Az