Sağlamlıq

Alimlər böyrək daşlarına yeni çarə TAPDI - FOTO

31 Avqust 2025 18:47

Baxış: 1 211

VTB-də minimal faiz dərəcəsi ilə nağd kredit 9.9%-dən

#SAĞLAMLIQ #ELM

Böyrək daşları ağrılı bir problemdir, dərmanlar həmişə nəticə vermir və bəzən cərrahiyyə yeganə çıxış yolu hesab olunur. Kanadalı alimlər isə maqnitlə idarə olunan mikrobotdan istifadə etməklə bu problemin alternativ həllini təklif ediblər.

Milli.Az xəbər verir ki, yeni icad 12 mm uzunluğundadır və hidrojel-elastomer qarışığından hazırlanmış yumşaq ip şəklindədir.

Robot kateter vasitəsilə sidik kisəsinə daxil edilir və sonra xarici maqnit manipulyatoru ilə hərəkət etdirilir. İp bükülərək sidik yolları boyunca daşlara doğru hərəkət edir. Hədəfə çatdıqdan sonra prototip xarici maqnitlə bərkidilir və bir neçə gün ərzində ureaza ifraz edir. Bu ferment sidiyin turşuluğunu azaldır, nəticədə daş tədricən əriyir və təbii şəkildə çıxır. Robot özü də maye ilə birlikdə bədəni tərk edir.

Laboratoriya sınaqlarında mikrobot beş gün ərzində daşların çəkisini orta hesabla 30% azaldıb. Təsiri isə üç aya qədər davam edib. /Oxu.Az

Milli.Az