PUL
.jpg)
Sosial şəbəkələrdə yayılan məlumatlara görə, kişilərin saqqalı bəzi hallarda itlərin tüklərindən belə çox mikrob daşıya bilər.
Milli.Az xəbər verir ki, mikrobioloqların apardığı araşdırmalara əsasən, saqqal bölgəsində yüksək rütubət və istilik mikroorqanizmlərin çoxalması üçün əlverişli şərait yaradır.
Bəzi hallarda saqqalda olan bakteriya miqdarı hətta hamam otağının səthlərindəki ilə müqayisədə daha yüksək ola bilər. Bu isə gigiyenik baxımdan ciddi risk yaradır.
Dermatoloq Abbas Bağırov bildirir ki, saqqal uzandıqca onun səthində mikrobların yığılması üçün daha geniş sahə yaranır:
"Uzun və sıx tüklər arasında yaranan isti və nəm mühit patogenlərin inkişafı üçün ideal şərait yaradır. Bu, yalnız daşıyıcının öz sağlamlığı üçün deyil, ətrafındakılar üçün də yoluxma riski yaradır. Saqqala düzgün qulluq edilmədikdə dəri infeksiyaları, ekzema, göbələk xəstəlikləri və hətta parazitlərin (qasıq biti kimi) yaranması mümkündür."
Mütəxəssislər kişilərə saqqallarına daha ciddi gigiyenik qaydalarla qulluq etməyi tövsiyə edir:
Saqqalın mütəmadi yuyulması və daranması
Antibakterial sabun və təmizləyicilərdən istifadə
İctimai yerlərdə və çöldə saqqala tez-tez toxunmamaq
Saqqal baxımı üçün şəxsi gigiyena vasitələrinin (tərəzi, qayçı və s.) bölüşdürülməməsi
Qeyd edək ki, saqqal saxlamaq şəxsi seçim olmaqla yanaşı, gigiyenaya xüsusi diqqət tələb edən bir vərdişdir. Doğru qulluq edilmədikdə, bu estetik detal sağlamlıq üçün risk faktoru ola bilər.
Asya
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.png)
.jpg)
.png)
