Sağlamlıq

Saç yuyarkən suyun temperaturuna diqqət edin – mütəxəssisdən vacib tövsiyələr

2 İyun 2025 05:05

Baxış: 1 245

VTB-də minimal faiz dərəcəsi ilə nağd kredit 10.49%-dən

#SAĞLAMLIQ

Saçınızı çox isti su ilə yumaq düşündüyünüzdən daha zərərlidir. Bu, təkcə saçlara deyil, həm də dəriyə mənfi təsir göstərə bilər.

Milli.Az xəbər verir ki, məşhur stilist və saç baxımı üzrə mütəxəssis Rossano Ferretti saç yuma zamanı ideal su temperaturunu açıqlayıb.

Aparılan araşdırmalara görə, isti duşlar qan təzyiqini artıra, dərinin təbii nəmini azalda və nəticədə dəri quruluğu, qaşınma, ekzema və sədəf kimi problemlərin kəskinləşməsinə səbəb ola bilər.

Rossano Ferretti bildirir ki, saçların yuyulması üçün ideal su temperaturu 37-40,5°C arasında olmalıdır. Bu, bədən temperaturuna yaxın və bir qədər yüksək göstəricidir.

Mütəxəssis həmçinin şampun və kondisionerdən sonra saçların sərin su ilə yaxalanmasını tövsiyə edir. Bu üsul saçlarda nəmliyi qorumağa, qırılmaların qarşısını almağa və daha parlaq görünüş əldə etməyə kömək edir.

Kənan
Milli.Az