Sağlamlıq

Çirkli hava bu xəstəliyi inkişaf etdirir

22 May 2025 08:08
Baxış: 981
VTB-də minimal faiz dərəcəsi ilə nağd kredit 9.9%-dən
#SAĞLAMLIQ

Kanadanın Qərb Universitetində aparılan yeni araşdırma havanın çirkliliyi ilə nevroloji sağlamlıq arasında narahatedici bir əlaqəni üzə çıxarıb. Alimlərin gəldiyi nəticələrə görə, uzun müddət çirkli hava ilə təmasda qalmaq böyüklərdə epilepsiya riskini artırır. Bu barədə tədqiqat "Epilepsia" elmi jurnalında dərc olunub.

Milli.Az xarici mətbuata istinadən xəbər verir ki, tədqiqatçılar altı il ərzində Ontarioda qeydə alınmış 24 minə yaxın yeni epilepsiya halını təhlil ediblər. Analizlər göstərib ki, havada mövcud olan kiçik hissəciklərin yüksək miqdarda olması bu xəstəliyin yaranma ehtimalını 5,5 %, ozon qazına məruz qalmaq isə riski 9,6 % artırır.

Epilepsiya dünyada ən geniş yayılmış nevroloji pozuntulardan biri sayılır və hər 1000 nəfərdən təxminən altısı bu xəstəlikdən əziyyət çəkir. Xüsusilə narahatedici məqam isə budur ki, xəstələrin təxminən üçdə biri mövcud qıcolma əleyhinə dərmanlara müsbət cavab vermir.

Alimlər hesab edirlər ki, bu nəticələr ekoloji siyasətin formalaşdırılmasına təkan verəcək və çirklənmənin yüksək olduğu bölgələrdə səhiyyə xidmətlərinin daha məqsədyönlü şəkildə qurulmasına kömək edəcək. Tədqiqatçılar növbəti mərhələdə meşə yanğınlarının insanların nevroloji sağlamlığına təsirini araşdırmağı planlaşdırırlar.

Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.