Sağlamlıq

Miqreni olanlar bu qidaları yeməsin

9 May 2025 18:41
Baxış: 1 128
VTB-də minimal faiz dərəcəsi ilə nağd kredit 9.9%-dən
#SAĞLAMLIQ #MİQREN

Miqren sadəcə adi baş ağrısı ilə kifayətlənməyən, bir çox insana gündəlik həyatında ciddi maneələr yaradan nevroloji pozuntudur. Bu xəstəlik bəzi hallarda iş qabiliyyətini azaldır, yuxu və qidalanma rejimini pozur, həmçinin psixoloji gərginliyə səbəb olur.

Milli.Az xəbərə verir ki, miqrenlə mübarizədə dərmanlarla yanaşı, düzgün həyat tərzi və qidalanma da vacib rol oynayır.    

Miqren təkcə şiddətli baş ağrısı deyil, həm də bir çox insanlar üçün gündəlik həyatı çətinləşdirən ciddi bir sağlamlıq problemidir. Məlum olub ki, gündəlik qəbul edilən qidalar miqren tutmalarının tezliyinə və gücünə nəzərəçarpacaq dərəcədə təsir edə bilər. Bu barədə Rusiyalı nevropatoloq İnna Filatova məlumat verib.
Onun sözlərinə görə, halların təxminən 20-30%-də miqren epizodları bəzi ərzaqların qəbulu ilə birbaşa əlaqəlidir. Bu qidalar arasında pendir, şokolad, sitrus meyvələri, eləcə də ədviyyatlarla zəngin şərq yeməkləri yer alır. Hətta bu qidaların səbəb olduğu baş ağrılarına "Çin restoranı sindromu" adı verilib.
Miqrenin yaranmasına səbəb olan əsas komponentlərdən biri də tez-tez dondurulmuş və konservləşdirilmiş məhsullara əlavə olunan qida əlavəsi - mononatrium qlutamat ola bilər. Bundan başqa, bəzi qazlı şirin içkilərdəki süni şirinləşdirici - aspartam da bu tutmaları tetikleyebilir.
Həkim miqrenlə mübarizə aparan şəxslər üçün gündəlik həyat rejiminin sabit saxlanılmasının və fasiləsiz, balanslı qidalanmanın son dərəcə vacib olduğunu vurğulayıb.

Asya
Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.