Sağlamlıq

Sərnişinlərə xəbərdarlıq: Uçuş zamanı bu qidalardan uzaq durun

15 Aprel 2025 00:37

Baxış: 1 436

VTB-də minimal faiz dərəcəsi ilə nağd kredit 9.9%-dən

#MARAQLI #SAĞLAMLIQ #XƏSTƏLİK #QİDA

Keçmiş stüardessa Aleks Kuiqli hava nəqliyyatı ilə səyahət edən sərnişinlərə vacib xəbərdarlıq edib. O bildirib ki, uçuş zamanı təklif edilən bəzi yemək və içkilər sağlamlıq üçün risk yarada bilər.

Milli.Az xəbər verir ki, "Təyyarədə içdiyiniz çay və ya qəhvənin arxasında hansı suyun istifadə edildiyini heç kim bilmir," - deyə Quigley "DailyMail"ə açıqlamasında bildirib. Onun sözlərinə görə, bu içkilər uzun müddət təmizlənməyən su çənlərindən hazırlanır və bakteriyalar üçün ideal mühit yaradır.

Ət yeməkləri də risklidir. Quigley qeyd edir ki, təyyarələrdə ət məhsullarının düzgün saxlanmaması qida zəhərlənməsi riskini artırır. "Uçuşlar tez-tez gecikir, bu isə bişmiş yeməklərin təhlükəli hala gəlməsinə səbəb ola bilər," - deyə o xəbərdarlıq edib.

Süd məhsulları, paxlalılar, yağlı yeməklər, yaşıl tərəvəzlər və qazlı içkilər də təyyarədə çəkinməli qidalar arasında göstərilir. Onun fikrincə, bu məhsullar təyyarə salonunda havanın keyfiyyətini aşağı sala bilər.

Spirtli içkilərdən də uzaq durun. Stüardessanın sözlərinə görə, yüksəklikdə oksigen səviyyəsi azalır və bu, spirtin təsirini artırır. "Uçuş zamanı içki içməmək orqanizm üçün daha yaxşıdır," - deyə o vurğulayıb.

Qida təhlükəsizliyi üzrə ekspert Darin Detwiler də bu barədə xəbərdarlıq edərək bildirib ki, sərnişinlər hava səyahətində təqdim edilən qidalara qarşı daha diqqətli olmalıdırlar.

Səfərinizi sağlam və rahat keçirmək üçün, bu tövsiyələri nəzərə almaq tövsiyə olunur.

Fidan
Milli.Az