Sağlamlıq

COVID-19 və qripdən eyni vaxtda qoruyur - Yeni peyvənd hazırlandı

13 Mart 2025 12:09

Baxış: 1 795

VTB-də minimal faiz dərəcəsi ilə nağd kredit 9.9%-dən

#SAĞLAMLIQ #PEYVƏNDLƏMƏ #KORONAVİRUS

Kornek Universitetinin alimləri həm COVID-19, həm də qripdən uzunmüddətli qorunma təmin edən yeni bir peyvənd hazırladıqlarını açıqlayıb.

Milli.Az xarici mediaya istinadla xəbə verir ki, yeni tədqiqat nəticələri "Science Advances" jurnalında dərc edilib.

Bu innovativ peyvənd mövcud peyvəndlərin iki əsas problemini həll edir: çox aşağı temperaturda saxlanma ehtiyacı və kifayət qədər effektiv olmamaları. Yeni peyvənd həm COVID-19, həm də qripdən qoruyur və eyni zamanda mürəkkəb saxlanma şəraiti tələb etmir, bu da xüsusilə resursları məhdud olan ölkələrdə istifadəsini asanlaşdırır.

Peyvəndin əsasını insanlara təhlükəsiz olan vezikulyar stomatit virusu (VSV) təşkil edir. Alimlər bu virusu dəyişdirərək onun əsas zülallarını çıxarıb və hər iki virusun antigenlərini əlavə ediblər. Bu yanaşma immun sisteminin eyni anda iki xəstəliyə qarşı qorunma inkişaf etdirməsinə imkan verir.

Siçanlar üzərində aparılan təcrübələrdə peyvəndin yüksək effektivlik göstərdiyi məlum olub: peyvənddən səkkiz ay sonra heyvanlar stabilləşmiş immunitetə sahib olub. Həmçinin, COVID-19 və qrip virusları ilə yoluxan siçanlarda xəstəlik əlamətləri müşahidə olunmayıb, və testlər onların ağciyərlərində və beyin toxumalarında virusların mövcudluğunu aşkar etməyib. Bu, peyvəndin yüksək qorunma dərəcəsini göstərir.

Fidan
Milli.Az