Sağlamlıq

Mədəsi ağrıyırdı, 6 ay sonra xərçəngdən öldü

14 Fevral 2025 05:05

Baxış: 7 312

VTB-də minimal faiz dərəcəsi ilə nağd kredit 9.9%-dən

#CƏMİYYƏT #SAĞLAMLIQ #XƏRÇƏNG XƏSTƏLİYİ

Mədə narahatlıqlarını gözardı edən qadın xərçəng xəstəliyinə tutulubmuş.

Milli.Az xəbər verir ki, İngiltərənin Sauthempton şəhərində yaşayan Ade Mosli aylarla davam edən mədə qıcıqlanması problemini görməzdən gəlib. Simptomların şiddətlənməsi ilə xəstəxanaya müraciət edən Mosli xərçəng diaqnouz qoyulduqdan altı ay sonra vəfat edib.

Onun bacısı Ceni Mosli yemək borusu xərçənginin əlamətlərinə qarşı hər kəsi diqqətli olmağa çağırıb. Ceni Mosli, "İllərlə simptomları gözardı etdik, reseptsiz müalicələrin yetərli olduğunu düşündük, lakin Adein yaşadıqları bizə simptomları görməzdən gəlməyin nə qədər təhlükəli ola biləcəyini göstərdi", - deyə bildirib.

Yemək borusu xərçənginə tutulduğunu öyrənən Ade Mosli kimyaterapiya və şüa müalicəsi alsa da, xəstəlik artıq irəliləmişdi. O, diaqnoz qoyulduqdan altı ay sonra həyatını itirdi.

"Barrett özofagusu" adlandırılan bu xəstəliyin əsas əlaməti mədə turşusunun və həzm şirələrinin yemək borusuna geri axması ilə yaranan reflüdür. Digər simptomlar arasında ürəkbulanma, qarnın yuxarı nahiyəsində ağrı, ağızda metal dadı və xroniki boğaz ağrısı yer alır.

İngiltərədə hər il təxminən 9 min 300 nəfərə yemək borusu xərçəngi diaqnozu qoyulur. Xəstəliyin geniş yayılmış əlamətləri arasında udma çətinliyi, keçməyən mədə qıcıqlanması, boğaz ağrısı və izah olunmayan çəki itkisi var.

Heartburn Cancer UK təşkilatının əməliyyat direktoru Fiona Labroy mədə qıcıqlanması simptomlarını görməzdən gəlməyin və ya özbaşına müalicə etməyin təhlükəli nəticələrə səbəb ola biləcəyini vurğulayaraq xəbərdarlıq edib.

İsmayıl
Milli.Az

Milli.Az - Xəbər Portalı

Mədəsi ağrıyırdı, 6 ay sonra xərçəngdən öldü

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?