Sağlamlıq

Dünyaca məşhur həkim xəbərdarlıq etdi: Qətiyyən yeməyin

17 Dekabr 2024 07:34
Baxış: 7 027
VTB-də minimal faiz dərəcəsi ilə nağd kredit 9.9%-dən
#QİDA

Bədən sağlamlığını qorumaq üçün səhər qidalanma vərdişlərimiz böyük rol oynayır. Həm sağlam, həm də enerjili bir bədən üçün mütləq balanslı və düzgün bir səhər yeməyi şərtdir.

Milli.Az xəbər verir ki, dünyaca məşhur gastroenteroloq Dr. Alan Desmond səhər yeməyində hansı qidanı mütləq yemədiyini və bunun səbəbini paylaşaraq xəbərdarlıq edib.

"Səhərlər əsla yemirəm"

Dr. Desmond'un fikrincə, salam, sosis və digər işlənmiş ət məhsulları təkcə sağlamlığa zərərli deyil, həm də hər il təxminən 644 min insanın həyatını itirməsinə səbəb olur.

Bu məhsullar yalnız həzm sistemimizi təhdid etməklə kifayətlənmir, həm də ürək xəstəlikləri və şəkərli diabet riskini artırır. Dr. Desmond xüsusilə kolon xərçəngi riskinə diqqət çəkərək bu məhsulların yüksək duz miqdarının təzyiq xəstələrinə ciddi problemlər yarada biləcəyini qeyd edib.

İşlənmiş ət məhsullarının zərərləri
Xərçəng Riski:
Dünya Səhiyyə Təşkilatı (WHO) işlənmiş ət məhsullarını "mütləq xərçəng törədici" olaraq təsnif edir. Xüsusilə kolon, rektum və pankreas xərçəngi ilə əlaqəlidir.

Piylənmə Riski:
İşlənmiş ət məhsulları adətən yüksək kalorili, lakin aşağı qida dəyərinə malikdir. Bu isə çəki artımı və piylənməyə yol aça bilər.

Bağırsaq Sağlamlığı Problemləri:
İşlənmiş ətlərin yüksək duz tərkibi bağırsaq sağlamlığını mənfi təsir edərək qəbizlik və həzm problemlərinə səbəb ola bilər.

Ürək Xəstəlikləri Riski:
Bu məhsullar yüksək miqdarda doymuş yağ və natrium ehtiva edir. Bu isə ürək xəstəlikləri, yüksək təzyiq və insult riskini artırır.

Sağlam bir səhər yeməyi seçərək işlənmiş ət məhsullarından uzaq durmaq həm qısa, həm də uzunmüddətli sağlamlıq üçün mühüm addım ola bilər. Dr. Desmond'un da vurğuladığı kimi, səhər yeməyində təzə və təbii qidalar seçmək daha doğru seçimdir.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.