Sağlamlıq

50 yaşdan sonra bu qidalardan İMTİNA EDİN

29 Noyabr 2024 04:04
Baxış: 1 378
VTB-də minimal faiz dərəcəsi ilə nağd kredit 9.9%-dən

Rus endokrinoloqu Mariya Kaloşina 40-50 yaşdan sonra insanların qızardılmış yeməklər və yarımfabrikatlardan uzaq durmasını tövsiyə edib.

Qızardılmış yeməklərin qabığında xeyli miqdarda kanserogen maddələr olur. O qeyd edib ki, yaşlandıqca hüceyrələrdəki mutasiyaların artması səbəbindən onkoloji xəstəlik riski yüksəlir:

"Qızardılmış yeməklərin qabığında çoxlu kanserogenlər mövcuddur. Yaşlandıqca hüceyrələrdə mutasiyaların sayı artır və bu da onkoloji riskini yüksəldir. Həmçinin, yarımfabrikatların həddindən artıq istehlakı aterosklerozun inkişaf riskini artırır, bu isə infarkt və insultla nəticələnə bilər," - deyə həkim izah edib.

Endokrinoloqun sözlərinə görə, kəskin ədviyyatlı yeməklərdən də çəkinmək tövsiyə olunur, çünki yaşlandıqca dad reseptorlarının həssaslığı azalır. O, ədviyyatların həddindən artıq istehlakının mədə-bağırsaq traktının selikli qişasında iltihaba səbəb ola biləcəyini qeyd edib. Həddindən artıq duz qəbulu isə hipertoniya xəstəliyini ağırlaşdıra bilər ki, bu da yaşlı əhalinin yarısında müşahidə olunur.

Süddən də imtina etmək lazımdır. Yaşlandıqca süd şəkərlərini parçalayan laktaza fermenti azalır. Süd istehlakı ishala səbəb ola bilər. Bundan əlavə, tez həzm olunan karbohidratların həddindən artıq qəbulu çəki artımına, daha sonra isə şəkərli diabetə gətirib çıxaran metabolik sindromun inkişafına səbəb ola bilər.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.