Sağlamlıq

Bu qidalar tox tutur

18 İyun 2025 00:30
Baxış: 3 607
VTB-də minimal faiz dərəcəsi ilə nağd kredit 9.9%-dən
#SAĞLAMLIQ #QİDA #SAĞLAM QİDA

Mütəxəssislər toxluq hissi yaradan və uzun müddət aclıq hissini unutduran qidaların siyahısını açıqlayıblar. Bu məhsullar sağlam qidalanma ilə yanaşı, arıqlamaq istəyənlər üçün də faydalı hesab olunur.

Araşdırmalara görə, ən çox toxluq yaradan qidalar arasında birinci yerdə zülalla zəngin məhsullar dayanır. Yumurtalar, toyuq əti, balıq, kəsmik və paxlalılar aclıq hissini azaltmaqda effektlidir. Xüsusilə səhər yeməyində bu məhsulların qəbul olunması gün ərzində daha az kalori qəbuluna səbəb ola bilər.

Digər tox tutan məhsullar sırasında lifli qidalar yer alır. Brokoli, kök, ispanaq kimi tərəvəzlər, alma və armud kimi meyvələr, eləcə də yulaf, kətan və chia toxumu uzun müddət toxluq yaradır.

Mütəxəssislər həmçinin sağlam yağların da bu prosesdə rol oynadığını bildirir. Avokado, qoz, badam və zeytun yağı aclığı basqılayır və enerjini artırır.

Təklif olunan məhsulların su ilə birlikdə qəbul edilməsi isə onların toxluq effektini daha da artırır. Su ilə isladılmış chia toxumu, yulaf ezmesi və az kalorili tərəvəz şorbaları bu baxımdan xüsusilə tövsiyə olunur.

Qidalanma üzrə ekspertlər bildirirlər ki, bu kimi məhsulların gündəlik rasiona əlavə olunması həm iştahı tənzimləyir, həm də artıq çəkinin qarşısını almağa kömək edir.

İsmayıl
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.