Sağlamlıq

ABŞ daha bir fəlakətlə üzləşdi: İnsanlar "ətyeyən bakteriya"ya görə əl-ayaqlarını itirirlər

24 Oktyabr 2024 07:31

Baxış: 1 054

VTB-də minimal faiz dərəcəsi ilə nağd kredit 9.9%-dən

#SAĞLAMLIQ

ABŞ-nin Florida ştatında "Helen" və "Milton" dağıdıcı qasırğalarından sonra əsl kabus yaşanır. Belə ki, geniş miqyaslı dağıntı və daşqınlarla yanaşı, təbii fəlakət görünməz, lakin ölümcül təhlükə - "Vibrio vulnificus" bakteriyasını da gətirib.

Milli.Az oxu.az-a istinadən xəbər verir ki, bu barədə Florida Səhiyyə Nazirliyi xəbər yayıb.

Bildirilir ki, "ətyeyən bakteriya" kimi də tanınan bu infeksiyaya ümumilikdə 74 yoluxma halı qeydə alınıb, bunlardan 13-ü ölümlə nəticələnib.

"Vibrio vulnificus" isti sahil sularında yaşayan vibriobakteriyadır. Yoluxma çirklənmiş suyun udulması və ya açıq yaralara düşməsi nəticəsində baş verir.

"Ətyeyən bakteriya" yara ətrafındakı dəri və yumşaq toxumaların sürətlə məhv olmasına səbəb ola bilir, bu isə ətrafların amputasiyasına və ya hətta ölümə gətirib çıxarır.

Xəstəliyin əlamətlərinə ishal, mədə spazmları, ürəkbulanma, qusma, qızdırma, üşütmə, aşağı qan təzyiqi və dəridə qabarcıqlar daxildir. Müalicə antibiotiklərlə aparılır, lakin ağır hallarda infeksiyanın yayılmasının qarşısını almaq üçün amputasiya tələb oluna bilər.

Milli.Az
Xəbərlərimizi WhatsApp kanalımızdan da oxuyun