Sağlamlıq

Həddindən artıq tərləmə hansı xəstəliklərin əlamətidir?

16 May 2026 02:02

Baxış: 225

VTB-də minimal faiz dərəcəsi ilə nağd kredit 9.9%-dən

Həddindən artıq tərləmə bir sıra sağlamlıq problemlərinin xəbərçisi ola bilər. Mütəxəssislər bildirirlər ki, xüsusilə səbəbsiz və davamlı tərləmə halları bəzən ciddi xəstəliklərin ilkin əlaməti kimi ortaya çıxır.

Milli.Az xəbər verir ki, həkimlərin sözlərinə görə, çox tərləmə qalxanabənzər vəzin həddindən artıq işləməsi, şəkərli diabet, ürək-damar problemləri, hormonal pozuntular və bəzi infeksion xəstəliklərlə əlaqəli ola bilər. Gecə tərləmələri isə bəzən vərəm, limfa sistemi xəstəlikləri və ya xərçəng növlərinin əlaməti hesab olunur.

Bundan əlavə, stress, artıq çəki, menopauza dövrü və bəzi dərman preparatları da tərləməni artıra bilər. Mütəxəssislər qeyd edirlər ki, tərləmə gündəlik həyatı narahat edəcək səviyyəyə çatırsa və digər simptomlarla müşahidə olunursa, mütləq həkim müayinəsindən keçmək lazımdır.

Həkimlər özbaşına müalicə üsullarından istifadə etməməyi, problemin səbəbini müəyyən etmək üçün tibbi müayinəyə üstünlük verilməsini tövsiyə edirlər.

Asya
Milli.Az