Sağlamlıq

Ağ çarşafda yatmaq daha yaxşıdır – SƏBƏB

6 İyul 2024 04:04

Baxış: 6 217

VTB-də minimal faiz dərəcəsi ilə nağd kredit 9.9%-dən

#SAĞLAMLIQ #YUXUSUZLUQ

Alimlər daha tez yuxuya getməyinizə kömək edə biləcək təəccüblü bir səbəbini açıqlayıblar. Məlum olub ki, yataq dəstinin rəngi yuxunun keyfiyyətinə təsir edir.

Milli.Az lent.az-a istinadən bildirir ki, ABŞ-dan olan bir qrup tədqiqatçı bir sıra eksperimentlər aparıb və aşkar ediblər ki, yataq dəsti qar kimi ağ rəngli kətandan tikilərsə, yuxu xeyli yaxşılaşır. Bu, otaqda rahat bir atmosfer yaradır.

Mütəxəssislər 25-55 yaş arası təxminən 1500 Amerika sakini arasında sorğu keçirib. Onlar yataq otağının daxili hissəsinin qoxuları, səsləri və rəngləri ilə maraqlanıblar. Çünki vizual amillər insanın yuxuya getməsinə və gecə boyu yuxuda qalmasına təsir göstərir.

Respondentlərin 58%-i yuxusuzluqdan əziyyət çəkdiklərini və ya gecələr tez-tez oyandıqlarını, digərləri isə asanlıqla yuxuya getdiklərini və səhərə qədər yatdıqlarını bildiriblər. Yuxu problemlərinin əsas səbəbləri arasında evdə yüksək hərarət, narahat çarpayı, xoşagəlməz yataq dəsti, küçə işığı və yad qoxular daxildir.

Təcrübələr zamanı iştirakçılardan yaxşı yuxuya mane olan amilləri aradan qaldırmaları istənilib. Məlum olub ki, yeganə əhəmiyyətli amil yataq dəstinin rəngidir. Bəzi iştirakçılar döşək və yastıqları dəyişdirərək, pəncərələri işıqdan bağlayaraq və lazımsız səslərdən xilas olmaqla yuxularını yaxşılaşdıra bilsələr də, ən böyük effekti ağ yataq dəstlərindən istifadə etməklə əldə ediblər.

Bundan əlavə, mütəxəssislər yataq otağının interyerindəki açıq rənglərin, məsələn, solğun çəhrayının da daha asan yuxuya getməsinə kömək edə biləcəyinə inanırlar.

Milli.Az
Xəbərlərimizi WhatsApp kanalımızdan da oxuyun