Sağlamlıq

Düzgün yastıq seçimi rahat yatmağa kömək edir

21 Aprel 2024 23:30
Baxış: 534
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Gərgin iş günündən sonra çarpayıda rahat yatmaq, yorğunluğu atmaq, ertəsi gün təravətli oyanmaq hər kəsin arzusudur. Təəssüf ki, əksəriyyət yaxşı yata bilmədiyini deyir. Bunun əsas səbəblərindən biri yastığın düzgün seçilməməsidir.

Milli.Az lent.az-a istinadən xəbər verir ki, həkim-fitoterapevt Fizuli Hüseynov bununla əlaqədar olaraq deyib: "İlk növbədə yastıqların hazırlandığı materiala fikir vermək lazımdır. Əvvəllər daha çox quş tükündən hazırlanmış yastıqlardan istifadə olunurdusa, son illərdə daha çox sintifon balışlara üstünlük verilir, çünki onlar həddindən artıq yumşaq olurlar. İlk vaxtlar həmin yastıqla yatanda özümüzü çox rahat hiss edirik. Ancaq bir müddət sonra boyun və baş hissədə ağrılar hiss olunmağa başlayır. İçərisi sintifonla doldurulmuş yastıqların üz hissəsi təbii pambıq materialından olan parçadan olması daha yaxşıdır".

Mütəxəssislər bildirirlər ki, ildə bir dəfə yastıqları dəyişmək lazımdır. "Həddindən artıq yumşaq və içərisi boş olan balışlardan və eyni zamanda, çox möhkəm balışlardan istifadə edilməməsi daha yaxşıdır. Ona görə də ən məsləhətli olanı üzü pambıq parçadan və içərisi bamuq bitkisi ilə doldurulmuş balışlardır. Həmin yastıqlar həm gigiyenik, həm yumşaq olur, həm də baş və boyunda heç bir ağrıların yaranmasına səbəb olmur", -deyə həkim-fitoterapevt bildirib.

Yataq sərt olduqda hündür, yumşaq olduqda nazik yastıqlar seçmək tövsiyə edilir.

Milli.Az
​Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.