Gürcüstan

Tbilisidə yaşayış binasında partlayış - ölən və yaralılar var

14 Yanvar 2025 08:32
Baxış: 2 722
VTB-də minimal faiz dərəcəsi ilə nağd kredit 9.9%-dən
#GÜRCÜSTAN

Gürcüstanın paytaxtı Tbilisi şəhərində yerləşən yaşayış binalarının birində partlayış baş verib.

Milli.Az report-a istinadən xəbər verir ki, hadisə Ortaçala qəsəbəsində qeydə alınıb.

İlkin məlumata görə, partlayışa qaz sızması səbəb olub. Nəticədə binanın fasadı və divarlarının bir hissəsi çöküb. Fövqəladə Halların İdarəolunması Xidmətinin yaydığı məlumata əsasən, hadisə nəticəsində bir nəfər həyatını itirib, dörd sakin isə müxtəlif dərəcəli xəsarətləri ilə xəstəxanaya yerləşdirilib. Yaralananlardan birinin vəziyyəti ağırdır.

Gürcüstanın məcburi köçkünlər, əmək, səhiyyə və sosial müdafiə naziri Mixeil Sarcveladze bildirib ki, partlayışın səbəbi dəqiqləşdirilir: "Baş vermiş faciə ilə bağlı həlak olan şəxsin ailəsinə və yaxınlarına dərin hüznlə başsağlığı verirəm. Ümid edirəm ki, yaralananlar tezliklə sağalacaq. Hazırda binanın dayanıqlığı yoxlanılır. Evakuasiya prosesi sürətlə aparılır və yaxın saatlarda bütün sakinlər müvəqqəti yaşayış yerlərinə yerləşdiriləcək. Binada yaşayan ailələrin dəqiq sayı araşdırılır, çünki bəzi mənzillər boş olub".

Hazırda ərazidə axtarış-xilasetmə işlərini davam etdirilir. Bina sakinlərinin bir hissəsi isə müvəqqəti yaşayış yerlərinə köçürülür. Partlayışın dəqiq səbəbləri araşdırılır.

Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.