Gürcüstan

Qətiyyətlə pisləyirik - Gürcüstan XİN

27 Yanvar 2023 15:21

Baxış: 1 907

#IRAN #GÜRCÜSTAN

Azərbaycanın İrandakı səfirliyinə hücumu qətiyyətlə pisləyirik.

Milli.Az Trend-ə istinadən xəbər verir ki, bu barədə Gürcüstan Xarici İşlər Nazirliyinin (XİN) tvitter hesabında bildirilib.

"Hər hansı diplomatik nümayəndəliyə qarşı hər hansı zorakılıq hərəkəti tamamilə qəbuledilməzdir. Faciə qurbanının ailəsinə başsağlığı veririk", - deyə qeyd edilib.

Qeyd edək ki, 27 yanvar 2023-cü il tarixində Bakı vaxtı ilə səhər saat 8:30 radələrində Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs avtomat silahla mühafizə postunu yararaq, mühafizə xidmətinin rəisini qətlə yetirib. Səfirliyin iki nəfər mühafizə əməkdaşı da hücumun qarşısını alarkən yaralanıblar. Onların vəziyyəti qənaətbəxşdir.

Milli.Az