Buraxılış imtahanlarının nəticələri niyə gec açıqlanır? - VİDEO

2 və 9 mart tarixlərində tam orta təhsil səviyyəsi üzrə buraxılış imtahanı keçirilib. Hər iki imtahanda ümumilikdə 110 mindən çox şagird iştirak edib. İmtahan nəticələrinin 6 həftə ərzində açıqlanacağı bildirilir.

Nəticələrin gec açıqlanması, həm abituriyentləri həm də valideynləri düşündürən əsəs məsələlərdəndir.  Deyirlər ki, müdddətin çox olması stress və narahatlıq yaradır. Belə olan halda, şagirdlər növbəti blok imtahanına rahat hazırlaşa bilmirlər.

Milli.Az Xəzər TV-yə istinadən bildirir ki, təhsil məsələləri üzrə ekspert Səbuhi Abdullayevin sözlərinə görə,  nəticələrin gec açıqlanması, yazı işlərinin yoxlanmasının müəyyən vaxt tələb etməsi ilə bağlıdır.

Dövlət İmtahan Mərkəzinin şöbə müdiri Aydın Qasımov məsələ ilə bağlı qeyd etdi ki, marker müəllimlərin sayının az olması prosesin uzanmasına gətirib çıxarır.

Dövlət İmtahan Mərkəzinin Şöbə müdiri  onu da vurğuladı ki, 11 siniflərin  buraxılış imtahanlarında 3 fənn üzrə birlikdə yazılı cavab tələb edən 24 yazı işi var. Bu da ümumilikdə 2 milyon 700 mindən çox yazı işi deməkdir. Hər yazı işinin 2 fərqli marker müəllim tərəfindən yoxlanıldığını nəzərə alsaq, prosesin tamamlanması üçün təqribən 6 həftə vaxt lazım olur.

Qeyd edək ki, 9 illik təhsil səviyyəsi üzrə buraxılış imtahanları 13, 20 və 27 aprel tarixlərində keçiriləcək.

Daha ətraflı videomaterialı təqdim edirik.

Milli.Az