Nazirdən Xocalı və Xankəndi ilə bağlı müjdə

Hazırda Xocalı şəhərində, Malıbəyli kəndində, həm də Xankəndidə məktəb infrastrukturu ilə bağlı işlərimiz gedir.

Milli.Az axar.az-a istinadən bildirir ki, bu sözləri elm və təhsil naziri Emin Əmrullayev deyib.

Nazir bildirib ki, bölgələrimizin bir çoxunda müasir məktəblər tikilir:

"Hazırda Xocalı şəhərindəki məktəbin işi tamamlanır, həm Malıbəyli kəndində, həm də Xankəndidə məktəb infrastrukturu ilə bağlı işlərimiz gedir. İşlər əhalinin köçürülməsinə görə aparılır. Bilirsiniz ki, Kərkicahan qəsəbəsinə köç planlaşdırılır. Bu mənada biz hazırıq.

Eyni zamanda, Qarabağ Universitetində tələbələrimizi sentyabrın 15-də böyük səbirsizliklə gözləyirik. Təbii ki, oraya gələn şəxslərin övladları üçün də məktəb təminatı olacaq. Ümid edirik ki, ən qısa zamanda həmin məktəbin məzunları bizi sevindirəcəklər".

Milli.Az
Xəbərlərimizi WhatsApp kanalımızdan da oxuyun