İqtisadiyyat

Avronun manata qarşı məzənnəsi 16 aylıq minimuma enib

22 Noyabr 2021 11:06
0 Şərh     Baxış: 990
VTB-də minimal faiz dərəcəsi ilə nağd kredit 9.9%-dən

Noyabrın 22-də avronun Azərbaycan manatına qarşı rəsmi məzənnəsi daha 0,7% enərək 1,9169 manat təşkil edib. Bu, ötən ilin 10 iyul tarixindən bəri qeydə alınan ən aşağı göstəricidir.

"APA-Economics"in hesablamalarına görə, sonuncu dəfə avronun manata qarşı bundan aşağı məzənnəsi 2020-ci ilin iyulun 10-da qeydə alınıb - 1,9163 manat.

Qeyd edək ki, 2021-ci ilin yanvarın 7-də avronun manata qarşı məzənnəsi 2,0958 manata çataraq 32 aylıq maksimumu yeniləmişdi. Həmin tarixdən avro manata nisbətdə 8,5% ucuzlaşıb.

Avropada COVID-19 pandemiyasının yeni dalğası səbəbindən narahatlığın artması, Avstriyanın artıq tam karantin rejiminə keçməsi və Almaniyanın bu variantı nəzərdən keçirməsi fonunda avro ABŞ dollarına qarşı demək olar ki, ötən ilin iyulundan bəri ən aşağı səviyyəyə düşüb (1 dollar = 1,1273 avro).

Bundan əlavə, FED-in rəsmiləri Riçard Klarida və Kristofer Uollerin ABŞ-da fiskal stimullaşdırıcı paketlərin erkən bağlanmasının artan inflyasiya şəraitində daha uyğun olması təklifi bazarda "öküzvari" effekt yaradaraq dolların güclənməsinə təkan verib.

Xatırladaq ki, Azərbaycan Mərkəzi Bankının bu günə olan rəsmi valyuta məzənnələrinə görə, dollarının məzənnəsi dəyişməyərək 1,7000 manat təşkil edib, 1 Rusiya rublu 0,0232 manata, 1 türk lirəsinin məzənnəsi isə 0,1521 manata enib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.