İqtisadiyyat

Nazir Azərbaycan-Səudiyyə Ərəbistanı əməkdaşlığından danışdı

11 Noyabr 2021 11:02

0 Şərh Baxış: 951

VTB-də minimal faiz dərəcəsi ilə nağd kredit 9.9%-dən

Azərbaycanla Səudiyyə Ərəbistanı arasında neft-qaz sahəsində əməkdaşlıq dünya neft-qaz bazarının stabilliyi üçün həyati vacib əhəmiyyət daşıyır.

Milli.Az Trend-ə istinadən bildirir ki, bunu energetika naziri Pərviz Şahbazov "Asharq Al-Awsat" nəşrinə müsahibəsində deyib.

"Səudiyyə Ərəbistanı uzun illər ərzində dünya bazarının balansının möhkəmlənməsinə və enerji daşıyıcılarının qiymətlərinin sabitləşməsinə töhfə verir. Azərbaycan dünya enerji bazarının stabilləşməsinin vacib kanallarından biri olan OPEC+ qrupuna qoşulub. Biz hazırda bu formulu stabilliyin artmasının və dünya enerji bazarında balansın əldə olunmasının vacib aləti kimi görürük" - deyə nazir bildirib.

P.Şahbazov əlavə edib ki, neft daha çox illər əsas enerji mənbəyi kimi qalacaq:

"Beləliklə, OPEC+un bazarın stabilliyinin təmin edilməsində rolu enerjinin gələcəyi üçün həyati əhəmiyyət daşımaqda davam edəcək. Qiymətlərin sabitləşməsindən daha vacib amil dünya enerji təchizatının dayanıqlığının təmin olunmasıdır".

Milli.Az