İqtisadiyyat

Azərbaycan növbəti onilliklərdə stabil neft hasilatı səviyyəsini saxlamaq niyyətindədir - Pərviz Şahbazov

3 Noyabr 2021 19:42
Baxış: 523

Azərbaycan növbəti onilliklərdə Xəzər regionundakı yeni neft layihələrinin işə salınması ilə stabil neft hasilatı səviyyəsini saxlamaq niyyətindədir.

Milli.Az Trend-ə istinadən xəbər verir ki, bunu Energetika naziri Pərviz Şahbazov "Bloomberg" agentliyinə müsahibəsində deyib.

Hasilatın artımının sürətləndirilməsi çağırışlarını şərh edən nazir bildirib ki, bu cür qərar iqtisadi səbəblərə və bazarın hərtərəfli araşdırılmasına əsaslanmalıdır.

P.Şahbazov qeyd edib ki, bir müddət əvvəl Avropada yüksək qaz qiymətlərinin neft məhsullarına tələbi artırdığı vaxtda hasilat artımı hər rübdə 300-400 min barel/sutkanı keçmir: "Biz tələbin kəskin artımını müşahidə etmirik, çünki elektrik enerjisi istehsalçıları hər zaman təbii qazın əvəzlənməsi üçün elektrik enerjisini seçmir. Onlar həm də nüvə enerjisi və kömürdən istifadə edir. Bizə neftin həddən artıq yüksək qiymətləri lazım deyil. Bəlkə də bu gün qiymətlər bir qədər yüksəkdir, amma gördüyünüz kimi, OPEC+ hər ay hasilatı artırır. Fikrimcə, bu, qiymətlərə təsir edəcək".

Milli.Az

40 000 AZN-dək krediti ONLAYN sifariş et!

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics