İqtisadiyyat

Vətən müharibəsinə görə Türkiyəyə embarqo qoyan Kanada şirkəti müflis oldu

28 Oktyabr 2021 08:53
1 Şərh     Baxış: 1 356

Vətən müharibəsində Azərbaycana dəstək verdiyi üçün Türk Aerokosmik Sənaye A.Ş.-yə (TUSAŞ) embarqo qoyan Kanadanın "Telemus Systems Inc." şirkəti müflis olub.

Milli.Az "qafqazinfo"-ya istinadən xəbər verir ki, bu barədə audit, vergi və məsləhət xidmətləri göstərən KPMG tərəfindən yayılan hesabatda bildirilir.

Əsas müştərisi TUSAŞ olan "Telemus" hərbi pilotsuz uçuş aparatlarında istifadə üçün geniş çeşiddə elektron dəstək materialları istehsal edir.

Hesabatda vurğulanıb ki, şirkət embarqonun mənfi maliyyə təsirləri səbəbindən Kanada hökuməti ilə Türkiyəyə ixrac icazəsi ilə bağlı bir neçə dəfə danışıqlar aparmağa cəhd etsə də, heç bir nəticə əldə edə bilməyib.

"Telemus" 2020-ci ildə 360 min dollar zərərə uğrayıb. 31 iyulda hasilatı dayandırmazdan əvvəl isə bu il 1,1 milyon dollar ziyanla üzləşdiyini bəyan edib.

Xatırladaq ki, Kanada hökuməti 44 günlük Vətən müharibəsi zamanı Azərbaycana dəstək verməsi səbəbindən Türkiyəyə silah embarqosu qoymuşdu.

Rəsmi Ottava  erməni mövqelərinə qarşı istifadə edilən türk pilotsuz uçuş aparatlarında Kanada texnologiyasından istifadə olunduğunu iddia edərək, 2020-ci ilin oktyabrında Türkiyəyə müdafiə sənayesi ixracına embarqo qoyub, sonuncu dəfə isə "Telemus" şirkətinin ixrac icazəsini 2021-ci ilin aprelində ləğv edib.

Milli.Az

35 000 AZN-dək krediti ONLAYN sifariş et!

Şərh yaz:

1 Şərh:

  • Anonim
    Çoxbilmiş · 28 Oktyabr 09:3330

    Əcəb oldu

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.