İqtisadiyyat

Azərbaycanda ilk dəfə bu avtomobillərin istehsalına başlandı - FOTO

11 İyun 2021 13:11
Baxış: 870

Azərbaycanda ilk dəfə olaraq iki növ zibilyığan avtomobil istehsalına başlanıb.

Milli.Az xəbər verir ki, bu barədə Trend-ə açıqlamasında istehsalçı şirkətin servis üzrə baş meneceri Kənan Məmmədov deyib.

O bildirib ki, artıq hər iki avtomobilin istehsalı tam başa çatıb və istifadəyə hazırdır: "Hər iki avtomobil sınaqdan keçirilib. Zibil avtomobillərindən biri JAC markalı Çin istehsalı olan avtomobildə quraşdırılaraq 4 ton, MAN markalı avtomobil isə 12,7 ton yük götürə bilir. 12.7 ton yükgötürmə qabuiliyyəti olan avtomobil yalnız bir növ zibil üçün, digəri isə qarışıq tullantılar üçün nəzərdə tutulub. Avtomobil tam olaraq keyfiyyətli ehtiyat hissələri ilə təchiz edilib. Hər iki avtomobildə alman texnologiyası tətbiq edilib".

K. Məmmədov bildirib ki, avtomobillər istismara hazır olsa da, hələlik kütləvi satışa çıxarılmayıb: "Hər iki avtomobil üçün sifarişlər qəbul edirik. Əgər sifarişlər olarsa avtomobillərin kütləvi istehsalına başlanacaq"

Milli.Az

Məqaləyə dair fotomateriallar:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.