İqtisadiyyat

Ermənilərin işığı tükənir

13 Yanvar 2021 11:00
Baxış: 2 157

44 gün davam edən İkinci Qarabağ Savaşında ermənilər 30 su-elektrrk stansiyasını itiriblər.

Ermənistanın tanınmış iqtisadçı ekspertlərindən olan Hayk Akarmazyanın dediyinə görə, yaxın vaxtlarda ölkədə elektroenerji tarifləri artacaq. Rəsmi səbəbi kimi bundan belə Dağlıq Qarabağdan Ermənistana hər il 330 milyon kvT/saat elektroenerjinin nəql edilməyəcəyi göstərilir.

"Qarabağdakı 36 su-elektrik stansiyalarından 30-u indi Azərbaycanın əlindədir. Bizim digər itkilərlə yanaşı, elektroenerji itkilərimiz çox böyükdür", - H.Akarmazyan söyləyib.

Ermənistanda elektroenerjinin böyük qismi istilik-elektrik stansiyalarıdır və hər il havaya 785 min ton karbon qazı buraxır. Bu səbəbdən də HES-lərdə istehsal olunan elektroenerji həm ekoloji baxımdan təmiz, həm də ucuz idi.

"Ermənistandakı müvafiq dövlət qurumları bəs nə edir? Onlar yenə də mütəxəssislərə qulaq asmır, maaş almağa davam edir, büdcə vəsaitini necə gəldi xərcləyir, pulları mənimsəyirlər", - H.Akarmazyan vurğulayıb.

Ermənistanın ərazi idarəetmə və infrastruktur nazirinin müavini Hakop Vardanyan isə bəyan edib ki, İkinci Qarabağ Savaşına qədər qarabağlı ermənilərin 187,5 meqavatt gücündə su-elektrik stansiyaları vardı. İndisə həmin gücdən cəmi 75 meqavatt qalıb. Yəni qarabağlı ermənilərlə Ermənistanın itkiləri 112, 5 meqavattdır.

"Ermənistanın əldən verdiyi elektroenerji istehsalı mənbələri arasında 50 meqavatlıq Sərsəng su-elektrik stansiyası, hər biri 12-13 meqavatt gücündə 4 ses və 13 meqavatt gücündə bir ses var", - H.Vardanyan söyləyib.

Onun sözlərinə görə, Ermənistanın 2021-ci il üçün tərtib olunmuş elektroenerji balansı planına görə, Qarabağdan 330 milyon kvt/saat alınmaq nəzərdə tutulmuşdu. Lakin Qarabağ savaşının nəticələrinə görə, həmin həcm Ermənistandakı istehsalla əvəzlənməlidir.

Bu isə təbii ki, ermənilərə baha başa gələcək.

Ermənilərsə sosial şəbəkələrdə yazırlar: "İşığımız tükənir. Qarşıda bizi nə gözləyir, bəlli deyil".

Elçin Alıoğlu
Milli.Az

 

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.