İqtisadiyyat

Aviaşirkətlər nə qədər itki verib?

24 Noyabr 2020 21:28
Baxış: 619

Dünya aviaşirkətləri bu il və gələn il sərnişin daşımalarının kəskin azalması fonunda ümumilikdə 157 milyard dollar itirəcək.

Milli.Az Trend-ə istinadən bildirir ki, bunu Beynəlxalq Hava Nəqliyyatı Assosiasiyasının (IATA) baş direktoru Aleksandr de Junyak deyib.

O bildirib ki, IATA-nın proqnozlarına əsasən, 2020-ci ildə sərnişinlərin sayı 1,8 milyard nəfərədək azalacaq. 2019-cu ildə bu rəqəm 4,5 milyard nəfərə bərabər olub:

"Sərnişin daşımaları 2021-ci ildə qismən bərpa olunaraq 2,8 milyard nəfər həddində gözlənilir. Səbrsizliklə gözlənilən kütləvi peyvəndləmə 2021-ci ilin ortalarınadək ölkələr arasında aviaəlaqəyə müsbət təsir göstərməyəcək. Belə ki, sərhədlərin açılması 2021-ci ilin ortalarında gözlənilir".

O əlavə edib ki, 2020-ci ildə sərnişin daşımalarından gəlirlər 69 faiz və ya 191 milyard dollaradək azalacaq.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.