İqtisadiyyat

Azərbaycan yeni bazarlara ipək ixracını planlaşdırır

18 Sentyabr 2020 00:02
Baxış: 1 414
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

2021-ci ildə Azərbaycan ipəyi Çin, İtaliya, Cənubi Koreya və Yaponiya bazarlarına çıxa bilər.

Milli.Az bildirir ki, bunu Trend-ə Azərbaycan Sənaye Korporasiyasının İstehsal və əməliyyatlar departamentinin direktoru İlham Bayramov deyib.

O bildirib ki, 2020-ci ildə Azərbaycan təbii ipəyinin nümunələri bu ölkələrə göndərilib, 2021-ci ildə ixraca başlamaq planlaşdırılır.

Onun sözlərinə görə, COVID-19 pandemiyası ilə əlaqədar xam ipəyin qiyməti kəskin ucuzlaşıb: "Son günlər müəyyən qiymət artımı, bazarın əvvəlki artım tempi hələlik bərpa olunmayıb. Artan rəqabətə baxmayaraq, pandemiyaya görə ticarət aktivliyi müşahidə olunmur".

İ.Bayramov bildirib ki, 2020-ci ilin sentyabrınadək Türkiyəyə 11,58 min kiloqram quru ipəkqurdu baraması ixrac olunub: "Türkiyəyə ixrac olunan məhsulun ümumi dəyəri 284 085 manat təşkil edib".

O vurğulayıb ki, "Azəripək" MMC-nin marketinq planına uyğun olaraq müəssisənin məhsulunun xarici bazarlarda təşviqi üçün və Rusiya, Ukrayna, BƏƏ, ABŞ, İran, Türkiyə, Çin və İtaliyada satılması üçün bu ölkələrə quru baramaqardu, xam ipək və ipək parça nümunələri göndərilib.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.