İqtisadiyyat

Tovuzun Ağdam kəndində elektrik enerjisi təchizatı yenidən qurulur - VİDEO - FOTO

15 Sentyabr 2020 17:26

Baxış: 732

#İQTİSADİYYAT

"Azərişıq" ASC Tovuz rayonunun Ağdam kəndində elektrik enerjisi təchizatını daha dayanıqlı və keyfiyyətli etmək üçün yenidənqurma işlərinə start verib.

ASC-dən Milli.Az-a bildirilib ki, erməni silahlı qüvvələrinin 12 iyul 2020-ci il tarixində təxribat törədərək Ağdam kəndini atəşə məruz qoyması nəticəsində yaşayış evləri ilə yanaşı, elektrik enerjisi xətlərinə də ciddi zərər dəyib. Bununla belə, "Azərişıq" ASC-nin ərazidəki əməkdaşları 24 saat fasiləsiz çalışaraq Ağdam kəndində mərmilərin zədələdiyi bütün xətləri bərpa etməklə sakinləri işıqsız qalmağa qoymadı.

Prezident İlham Əliyevin birbaşa tapşırığı ilə "Azərişıq" ASC rəhbərliyi düşmənlə üz-üzə dayanan kənd sakinlərinə və elecə də səngərdə əli tətikdə olan hərbçilərlə həmrəylik nümayiş etdirmək, onlara dövlətin dəstəyini göstərmək üçün Ağdam kəndində yenidənqurma işlərinə start verib.

Milli.Az