İqtisadiyyat

İrşad Electronics müştərilərinin kredit ödəmələrinə fasilə verdi

28 Mart 2020 14:10
Baxış: 3 635
VTB-də minimal faiz dərəcəsi ilə nağd kredit 9.9%-dən
#CƏMİYYƏT

"Sağlıq hər şeydən vacibdir" - deyən İrşad Electronics müştərilərinə qarşıdakı aprel ayını evdə rahat qalmaq üçün şərait yaradıb. İrşad Electronics müştərilərinin aprel ayı üzrə kreditlərini növbəti aya ertələyib.

Bu barədə şirkətin rəsmi facebook səhifəsində məlumat yayılıb: ""Covid-19" virusu ilə əlaqədar olaraq, sizlərə dəstək olmaq adına aprel ayı üçün aylıq ödənişlərə 1 AYLIQ FASİLƏ verilməsini qərara aldıq".

Bu müddətdə İrşad Electronics müştəriləri evdə rahat oturub, özlərinin və əzizlərinin sağlamlığının qayğısına qala bilərlər. May ayından başlayaraq, İrşad Electronics-ə olan kreditlərini aybaay ödəməyə davam etdirə bilərlər.

İrşad Electronics koronavirus zəncirini qırmaq, onu yaymamaq və özlərinin də yoluxmamağı üçün müştərilərinə evdən çıxmamağı tövsiyə edir. Əməkdaşlarının da karantin qaydalarına riayət etməsini və mağazalara insan axınının qarşısını almaq istəyən şirkət martın 28-dən etibarən bütün mağazalarının fəaliyyətini  müvəqqəti dayandırıb. Bu müddətdə yalnız onlayn sifarişlər üzrə nağd və taksitli alışlar həyata keçiriləcək.

Müştərilərə məhsulların çatdırılması yüksək dezinfeksiya tələblərinə uyğun olaraq təşkil ediləcək.
İrşad Electronics ölkə üzrə 30-dan artıq mağazaya malik mobil telefon, elektrotexnika və məişət avadanlıqları satışı şəbəkəsidir.
 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.