İqtisadiyyat

Azərbaycan qurudulmuş xurma ixrac edəcək

28 Yanvar 2020 08:54
0 Şərh     Baxış: 1 376

Quru meyvələrin istehsalı və ixracı ilə məşğul olan "Dadlı Naxçıvan məhsulları" şirkəti region ölkələrinə və Avropaya quru meyvə ixracına hazırlaşır.

Milli.Az bildirir ki, bunu Trend-ə şirkətin təsisçisi Emin Tarverdiyev deyib.

Onun sözlərinə görə, Rusiya bazarına və Polşaya ixrac gözlənilir:

"Xarici tərəfdaşlarla danışıqlar aparılır, tədarüklərin həcmi və müddəti müəyyənləşdirilir. Biz artıq Polşaya qurudulmuş xurma ixracı ilə bağlı müraciət almışıq. Bu ildən bu bazara ixracı işə salmağı planlaşdırırıq. Rusiya bazarında da məhsulumuza böyük tələbat var. Hazırda müəssisəmizdə quru meyvə istehsalı gündəlik təxminən 1 ton təşkil edir. Gələn ildən bu göstəricini 1,5-2 tonadək artırmağı planlaşdırırıq".

O qeyd edib ki, ötən il şirkət 50 tona yaxın məhsul istehsal edib:

"İstehsal olunan məhsulun böyük əksəriyyəti ixrac üçün nəzərdə tutulub. Biz qurudulmuş alma və xurma ixracının həcmlərini artırmaq niyyətindəyik, çünki bu məhsullara həm daxili, həm də xarici bazarda daha böyük tələbat var".

E.Tarverdiyev bildirib ki, şirkətin Naxçıvanda mağazalar şəbəkəsi var, bundan başqa, Bakıda və ölkənin digər şəhərlərində yeni mağazaların açılması planlaşdırılır.

Milli.Az

loading...

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.