İqtisadiyyat

Yankauskas: "Son illərdə 34 müxtəlif Azərbaycan şirkəti Avropa İttifaqı ilə birgə 20 layihədə iştirak edib"

11 Oktyabr 2019 11:19
Baxış: 231

Son illər ərzində 34 müxtəlif Azərbaycan şirkəti Avropa İttifaqı (Aİ) ilə 20 birgə layihədə iştirak edib.

Milli.Az Trend-ə istinadən xəbər verir ki, bunu Avropa İttifaqının Azərbaycandakı nümayəndəliyinin rəhbəri, səfir Kestutis Yankauskas Bakıda keçirilən "Şərq Tərəfdaşlığı" proqramının gələcəyinə dair struktur məsləhətləşmələrdə deyib.

Nümayəndəliyin rəhbəri qeyd edib ki, çoxillik əməkdaşlıq illərində Azərbaycan energetika sahəsində Aİ-nin etibarlı tərəfdaşı kimi tanınıb. O əlavə edib ki, bu gün də əməkdaşlıq müxtəlif iqtisadi və sosial sahələrdə davam etdirilir.

K.Yankauskasın sözlərinə görə, Azərbaycan tvinninq-layihələrin sayında da çox fəaldır.

Səfir deyib: "Coğrafi mövqeyindən asılı olmayaq, Azərbaycan Aİ ilə əlaqələrdə çox fəaldır".

Milli.Az

loading...

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.