Norveçin ən önəmli sənaye sahəsi neft sektorudur. Ölkədə ÜDM-nin 21,5%-i, bütün ixracatın isə demək olar ki, yarısı - 48,9%-i neft sektorunun payına düşür. Norveç 2013-cü ildə ən böyük neft istehsalçıları arasında 15-ci, ən böyük neft ixracatçıları arasında isə 11-ci yeri tutub. Ölkə eyni zamanda Qərbi Avropanın ən böyük neft istehsalçısıdır.
Ona görə də, mühüm bir milli resurs hesab olunan neft Norveçdə iqtisadiyyatın əsasını təşkil edir, ancaq Böyük Britaniyada olduğu kimi burda da vəziyyət əvvəlki kimi yaxşı deyil. Əsrin əvvəlindən bu yana 2001-ci ildə bir gün üçün 3,5 milyon barrel olan istehsal səviyyəsi 2014-cü ildə 1,9 milyon barrelə düşüb.
Norveç Neft İxrac edən Ölkələr Birliyinə (OPEC) üzv deyil və prinsip etibarilə, neft qiymətlərini mövcud bazar əsasında müəyyənləşdirir. OPEC-in faktiki olaraq qiymətlərin qlobal səviyyədə müəyyənləşdirilməsi hüququ olması ilə Norveç əslində kartelin qiymət qoyulması ilə bağlı qərarlarına tabe olaraq qalır. Beləliklə, neft qiymətlərinin dəyişkənliyi Norveçə də təsir göstərir və bu təsir sektorun strukturu və Norveç iqtisadiyyatındakı rolu ilə əlaqədar olaraq cəmiyyətin bütün sahələrinə yayılır.
2014-cü ilin iyun ayından bəri neft qiymətlərinin kəskin şəkildə düşməsi, əlbəttə ki, Norveçə əhəmiyyətli dərəcədə təsir göstərib. Norveçin Mərkəzi Statistika Bürosu iki ay əvvəl neft qiymətlərinin aşağı olmasına görə bu il üçün ÜDM proqnozunu 2,1%-dən 1%-ə qədər azaldıb. Bir neçə gün sonra isə mərkəzi bank iqtisadiyyatı canlandırmaq üçün faiz dərəcələrini ən aşağı səviyyəyə - 1,25%-ə salıb. Neft sənayesi işçi qüvvəsinin təxminən 10%-i azaltdığına görə hardasa 12000 iş yeri bağlanmaqdadır, 30000-ə yaxın iş yerinin də bağlanacağı ilə əlaqədar narahatlıqlar var.
"Statoil" şirkəti və neft sənayesi
Norveçdə neft ölkənin neft istehsalının təxminən 70%-i idarə edən dövlətə məxsus "Statoil" şirkəti tərəfindən idarə olunur. Şirkət 2014-cü ilin üçüncü və dördüncü rübündə təəccübləndirici itkilər verdiyini bildirib - bu, şirkətin 2001-ci ildə fond birjasında siyahıya alınmasından bəri ilk itkisi olub. Şirkətin səhm qiymətləri də dörddə bir aşağı düşüb. Neft sektorunda iş yerlərinin bağlanması vəziyyəti nəzarət altına almaq məqsədilə ümumi və kapital xərclərinin azaldılması ilə əlaqədardır.
Ekspertlər qiymətlərin aşağı olmasının sektorun genişləndirilməsi üzrə xüsusi layihələrin gəlir gətirməsinə çətinlik törədəcəyini, yəni layihələrin təxirə salına, hətta ləğv edilə biləcəyini düşünürlər. Neft qiymətlərinin yüksək olması müəyyən investisiya qoyuluşlarını mümkün etmişdi, indi isə həmin investisiyalarla bağlı vəziyyət yaxşı deyil. Məsələn, "Statoil" şirkəti Şimal dənizində yerləşən "Snorre" və Barens dənizində yerləşən böyük "Johan Castberg" neft yataqlarına 6 milyard ABŞ dolları həcmində investisiya qoyulmasını təxirə salıb.
"Wood Mackenzie" konsaltinq şirkəti neft sektoru üzrə Norveçdə dəniz yataqlarına qoyulan investisiyaların bu il 25% azalacağı proqnozunu verir və bu göstəricinin sonrakı illərdə də azalacağı gözlənilir. Neft sənayesi üçün ən azı bir təsəlli var: 2019-cu ildə istehsala başlayacaq böyük "Johan Sverdrup" yatağı bir barrel neftin qiymətinin 40$-dan aşağı olduğu halda da istifadəyə yararlı olacaq.
Eyni zamanda Norveç hökuməti bu yaxınlarda stimul yolu ilə neft və qaz quyularının qazılması üçün yeni lisenziyalar verəcəyini, eləcə də 1990-cı illərdən sonra ilk dəfə olaraq yeni kəşfiyyat sahəsinin açılacağını elan edib. Hökumət eyni zamanda yüksək səviyyəli kəşfiyyat və inkişafa neft istismarı üçün nail olunduğu və neft sektorunun öz mövqeyini möhkəmləndirməli olduğunu irəli sürərək bu sahənin yeni şəraitə uyunlaşdırılmasına çağırıb.
Dövlət büdcəsi
Böyük Britaniyadan fərqli olaraq Norveçin KİV-də əsas xəbərlər istehsalçılar üzərinə qoyulan vergilərin azaldılması yox, dövlətin ölkə büdcəsində proqnozlaşdırılan gəliri əldə edə bilməməsidir. Bəzi ekspertlər belə düşünürlər ki, əgər bu hal davam etsə, bu il təqaüd fondu üçün yığılan faktiki gəlir yaradılan büdcənin yarısı qədər az ola bilər, bu da, şübhəsiz, bir zərbə olacaq.
Norveçin baş naziri Erna Solnberq və maliyyə naziri Siv Censen ötən ay bu vəziyyət haqqında mətbuat konfransı keçiriblər və konfransda lazım gələrsə, hökumətin tədbir görməyə hazır olduğunu xüsusi vurğulayıblar, ancaq hələlik dövlət büdcəsinin vəziyyəti idarə etmək üçün kifayət qədər imkanları olduğunu bildiriblər. Bu, o deməkdir ki, aşağı gəlirlərin qaldırılması üçün büdcə xərclərinin azaldılması ilə bağlı hal-hazırda heç bir plan yoxdur.
Suveren sərvət
Norveçin böyük üstünlüyü Norveç hökumətinin neft pullarının saxlanıldığı Qlobal Təqaüd Fondunda 860 milyard dollar olmasıdır. Gələcək nəsillər üçün investisiya kimi nəzərdə tutulan bu fond dünyanın ən böyük suveren sərvət fondudur.
Norveç qlobal səhmlərin 1%-ə sahibdir və Avropa fond birjalarında ən böyük səhmdar hesab olunur. 5 milyondan çox əhalisi olan bir ölkə üçün bu, iqtisadi cəhətdən güclü bir mövqedir - bu da əsasən neft sayəsindədir. Neft sektorundan gələn gəlir təkcə iqtisadi artım üçün yox, eyni zamanda Norveçdə rifah dövlətinin qurulması üçün vacibdir.
Hökumət birbaşa xərclərdən daha çox investisiyalar üçün olsa da, büdcə maliyyələşdirilməsi üçün hər il fondun 4%-ə qədərini istifadə edə bilər. Bu ölkədə işşsizlik səviyyəsi də 4%-dən aşağıdır.
Sözün qısası, neft qiymətlərinin düşməsi Norveç üçün probemlər yaratsa da, heç bir halda fəlakətlə nəticələnmir. Ümumi reaksiya praqmatik xarakter daşıyır: Norveç qlobal bazarın əlindədir və ölkənin maraqlarına xidmət edən gəlirli neft sektorunu saxlamaq üçün əlindən gələni edəcək. Neftin ömür boyu davam edəcəyi və ya qiymətlərin həmişə yüksək qalacağı ilə bağlı xəyallar yoxdur və Norveç sisteminin qorunmağa çalışdığı təsirlər də elə bunlardır. Qısamüddətli itkilər gözlənilir, ancaq uzunmüddətli qazanclar üçün nikbinlik də davam edir.
4npress.com
İqtisadiyyat
VTB-də yüksək depozit faizleri daha çox qazandırır
Niyə görə neftin ucuzlaşması Norveçi təşvişə salmır?
18 Aprel 2015 23:10
0 Şərh
Baxış: 3 304

DİGƏR XƏBƏRLƏR
-
Bu valyutadəyişmə məntəqəsi bağlandı
-
“Rabitəbank” cərimələndi
-
Paytaxtda torpaq bazarı alovlanır - Ən bahalı rayonlar - CƏDVƏL
-
Milli Yaylaq Festivalı çərçivəsində “KOB FEST” sərgi-satış yarmarkası keçirilib - FOTOlar
-
"Kağız üzərində yazılan sanksiya reallıqda fərqli icra olunur" - Ekspert
-
Rubl ucuzlaşdı, avro isə BAHALAŞDI - Dollar bu qiymətə satılır - RƏSMİ
XƏBƏR LENTİ
-
Mütəxəssislər hər gün artıq yeməyin qarşısını almaq üçün sadə üsullar təqdim edirlər
-
Tramp Putinə zəng etmək üçün Avropa liderləri ilə görüşü dayandırıb
-
Tramp Azərbaycan və Ermənistandan nümunə gətirdi
-
Arıqlama dayanıb? Bu vacib vitamini gözdən qaçırmadığınıza əmin olun
-
"Putin Ukrayna üçün təhlükəsizlik zəmanətlərini qəbul etməyə razılıq verib"
-
"Ukrayna danışıqlarında Yelenanın təsirini cılızlaşdırmayın"
-
Türkiyənin məşhur layihəsində Güneli ələ saldılar - VİDEO - FOTO
-
Pezeşkian İrəvanda Göy məsciddə namaz qıldı
-
Rahid Əmirquliyev "Şahdağ Qusar"ın rəhbəri təyin olundu
-
Tramp: Putin saziş bağlamaq istəyir
-
Günün qoroskopu: Sinir sistemi və qan dövranına diqqət yetirin
-
Tramp Avropa liderləri ilə çoxtərəfli görüş keçirdi - YENİLƏNİB - FOTO
-
Almaniya kansleri: “Daha ciddi danışıqlar üçün yol açıqdır”
-
Qatarla gedib-gələnlərin nəzərinə! - FOTO
-
Makron: Tramp, Putin və Zelenski ilə görüşdə Avropanın da təmsil olunması vacibdir
-
Zelenski: Trampla çox yaxşı söhbət apardım
-
Tramp: Ukrayna üçün bu gün razılıq əldə olunacaq
-
Trampın Zelenskiyə göstərdiyi xəritədə nələr var? - FOTO
-
Hər bürc üçün həftənin ən şanslı günü
-
“Putin məndən zəng gözləyir” - Tramp
-
Tramp-Zelenski görüşü başa çatdı - YENİLƏNİB - FOTO
-
Zelenski: Ukraynanın ABŞ-dən dəstək üçün “hər şeyə” ehtiyacı var
-
Azərbaycanlı turistlər pulu nəyə xərcləyir? - ARAŞDIRMA
-
Atəşkəs zəruri deyil – Tramp